وڭتۇستىك كورەيانىڭ 47 جاسار تۇرعىنى قازاقستاندا شەتەلدىكتەرگە جىنىستىق قىزمەت كورسەتەتىن ورىن اشىپ، ونى كاراوكە–بار دەپ ەلدى الداپ كەلگەن دەپ حابارلايدى الماتى قالاسىنىڭ ءىىد باسپا ءسوز قىزمەتى. كورەيا تۇرعىنى قالا ورتالىعىنان  ۇلكەن جەكەجايدى جالعا الىپ، كومەكشىسى رەتىندە سەنىمدى ادامداردى جيناعان. وندا تەك شەتەلدىكتەرگە عانا قىزمەت كورسەتىلگەن. سايكەسىنشە تولەم شەتەلدىك ۆاليۋتامەن بەرىلدى.

وڭتۇستىك كورەيا ازاماتىنا جۇمىس ىستەگەندەردىڭ كوبى ق ر ازاماتتارى. ولار استىرتىن ارەكەتتەردى جاسىرىن تۇردە جۇرگىزۋ مەن قاۋىپسىزدىك شارالارىن قاداعالاعان. ماسەلەن 45 جاسار ا. ەسەمىدى الماتى وبلىسىنىڭ ازاماتى ج ش س ديرەكتورى بولعان جانە قىزمەتكەرلەردى قاجەتتى زاتتارمەن قامتاماسىز ەتىپ، زاڭدىق جانە قارجىلىق ماسەلەلەردى شەشىپ وتىرعان. ال 51 جاسار جامبىل وبلىسىنىڭ تۋماسى «كاراوكە-باردا» سەكيۋري قىزمەتىن اتقارعان. ونىڭ قىزمەتىنە جەكەجايدى كۇزەتىپ، تەك سەنىمدى ادامداردى جىبەرۋ بولدى.

اتالمىش قىلمىستا 29 جاسار ە. ەسىمدى ازاماتشانىڭ دا قاتىسى بار. ول باردىڭ اكىمشىسى بولدى.  ونىڭ قىزمەتىنە جىنىستىق قىزمەت كورسەتۋشىلەرگە كاستينگ جاريالاپ، ىرىكتەۋ جۇرگىزىپ وتىرعان. بەلگىلى بولعانداي ونى ءوزارا «مادام» دەپ اتايدى ەكەن. وسى ىسكە تاعى ءبىر قىزدىڭ قاتىسى بار بولىپ شىقتى. 20 جاسار پ. ەسىمدى قىز كاسسير بولىپ جۇمىس ىستەگەن. ارنايى جەدەل شارالاردى جۇرگىزۋ بارىسىنداعى بەلگىلى بولعان مالىمەتكە ساي ول كليەنتتەردەن اقشا جيناپ وتىرعان.

«اتالمىش ورىنداعى جەڭىل ءجۇرىستى قىزداردىڭ قىزمەتى 100 دەن 300 دوللارعا دەيىن بارادى» دەيدى الماتى قالالىق ءىىد ۇيىمداسقان قىلمىسقا قارسى كۇرەس باسقارماسىنى پوليسيا پولكوۆنيگى ەرلان ورالبەكوۆ.  

سوتقا دەيىنگى تەرگەۋ امالدارى ق ر قىلمىستىق كودەكسىنە ساي 309 باپتىڭ 2 تارماعى بويىنشا جۇرگىزىلىپ جاتىر. وڭتۇستىك كورەيا تۇرعىنى ۋاقىتشا تەرگەۋ يزولياتورىنا توعىتىلدى.