تامبوۆ وبلىسى سوسنوۆكا اۋىلىندا 17 جاسار الەكساندر كيرەيەۆ بالتامەن اكەسىن، اجەسىن جانە اپكەسىن بولشەكتەپ تاستاعان دەپ حابارلايدى 360tv.ru.

تەرگەۋشىلەردىڭ حابارلاۋىنشا جەتكىنشەك 13-نەن 14-نە قاراعان ءتۇنى وتباسى ۇيىقتاپ جاتقان جەرىندە  ءولتىرىپ تاستاعان. اپكەسى مەن اجەسى بىردەن ءتىل تارتپاي قايتىس بولدى. ال اكەسىن اۋرۋحاناعا جەتكىزگەن. الايدا دارىگەرلەر ونى امان الىپ قالا المادى. ول اۋرۋحانادا كوز جۇمدى.

الەكساندردىڭ سىنىپتاستارى جەتكىنشەك ۇنەمى قارا كيىم كيىپ جۇرەتىنىن، ءوزىن ساتانيست دەپ اتايتىنىن جانە ەشكىممەن سويلەسپەيتىنىن جەتكىزدى.

«ول ءوزىن ساتانيست دەپ اتاپ، قۇدايعا ءولىم دەگەن سەكىلدى قورقىنىشتى سوزدەردى ايتاتىن. ءبىراق بىزبەن ءوزىن قاراپايىم ۇستادى» دەيدى سىنىپتاسى.

قىلمىس جاساعانعا دەيىن ونىڭ جابىراڭقى جۇرگەنىن جانە ومىرىندە بىردەڭەنى وزگەرتكىسى كەلەتىنىن ايتقان. سىنىپتاستارى ونى بايسالدى، ەشكىممەن ارازداسپايتىن ادام رەتىندە سيپاتتاپ بەردى.

قازىرگى تاڭدا كيرەيەۆتىڭ ۇستىنەن  «ەكى جانە وداندا كوپ ادامدى ءولتىرۋ» بابى بويىنشا  قىلمىستىق ءىس قوزعالدى. جاقىن ۋاقىتتا جەتكىنشەك قاماۋعا الىنادى.