الماتىنىڭ كەڭساي زيراتىندا ەرەكشە قۇلپىتاس ورناتىلدى، دەپ حابارلايدى «KazINFO Today» ءتىلشىسى. مانسابىنىڭ شارىقتاۋ جولىندا ءومىرى قايعىلى جاعدايمەن اياقتالعان تالانتتى iOS-ازىرلەۋشى، جاس عالىم زاڭعار ورىنبەتوۆتىڭ زيراتىندا ايفون تۇرىندەگى قۇلپىتاس قويىلدى.

زاڭعار 23 جاستا ەدى، ءبىراق ول جوعارعى وقۋ ورنىنىڭ ەكى ديپلومىن الىپ ۇلگەردى، Apple-دى قاتتى جاقسى كورگەن ەكەن. ونىڭ الەۋمەتتىك جەلىدەگى جازباسىنىڭ كوبىسى ءدال وسى ونىمگە ارنالعان. قايتىس بولارعا دەيىن ءۇش اي قالعاندا ونىڭ ومىرىندەگى باستى ارماندارىنىڭ ءبىرى ورىندالدى – «الما پاتشاسى» تيم كۋكپەن كەزدەستى.

زاڭعار ورىنبەتوۆتىڭ سوڭعى جوبالارىنىڭ ءبىرى – iPhone مەن iPad-قا ارنالعان ينتەللەكتۋالدى قازاقشا پەرنەتاقتا بولدى. ول قولدانۋشىنىڭ نەنى جازاتىنىن ءبىلىپ، قاتەنى الدىن-الا تۇزەتەتىن باعدارلاما. تالدىقورعاندا وتكەن يننوۆاسيالىق جوبالاردىڭ بايقاۋىندا وسى جوباسىن ۇسىنعان ول باس جۇلدەنى جەڭىپ الىپ، وبلىس اكىمىنەن 5 ميلليون تەڭگە كولەمىندە گرانت ۇتىپ الادى. وكىنىشكە قاراي، جاس عالىمنىڭ مەزگىلسىز قازاسىنا بايلانىستى App Store-دىڭ پەرنەتاقتاسى سول كۇيى پايدا بولمادى.