پرەزيدەنت اكىمشىلىگىنىڭ بۇرىنعى ورىنباسارى باعلان مايلىبايەۆتىڭ قىلمىستىق ءىسىن تەرگەۋ بارىسىندا «ەۋرازيا» ءبىرىنشى ارناسىنىڭ قىزمەتىن تەكسەرۋ كەرەك. بۇل تۋرالى عالىم بايتۋك ءوزىنىڭ Facebook پاراقشاسىندا جاريالادى.
«ۇزىن قۇلاقتان ەستىگەنىم مايلىبايەۆ پەن ءعاليحيننىڭ ۇستالۋى پرەزيدەنت اكىمشىلىگىندەگى سوڭعى تۇتقىنداۋلار ەمەس. مايلىبايەۆپەن بايلانىسى بولعان 30% جۋىق ادام قىزمەتىنەن بوساتىلادى. ەل باسىنداعىلاردىڭ ءاربىر قادامى كورشى ەلگە سول ۋاقىتتا جەتىپ وتىرعان دەسەدى. شەنەۋنىكتەردى بىلاي قويىپ، كورشى ەلدىڭ يدەياسىن ەفيردەن تاراتقان باق-تى قايتەمىز؟ اسىرەسە تەلەارنا. ەستەرىڭىزدە بولسا مەن ءبىرىنشى ارنانىڭ ديرەكتورى كيسيليەۆپەن كەزدەستىم. وندا ول مايلىبايەۆپەن قوسىلىپ رەسەيلىك ارنانى سىناۋدى دوعارۋدى سۇرادى. رەسەيلىك پروديۋسەر زامىسلوۆتىڭ قازمەديا ورتالىعىندا جۇرگەنىن قالاي تۇسىنۋگە بولادى؟ قۇزىرەتتى ورگانداردى رەسەيدى ناسيحاتتاپ كەلگەن «ەۋرازيا» ارناسىن تەكسەرۋدى سۇرايمىن. اقپارات جانە كوممۋنيكاسيا ءمينيسترى داۋرەن ابايەۆتى ءبىرىنشى ارنانى ءوز باقىلاۋىنا الىپ، باسشىلىقتى جەرگىلىكتى پاتريوتتارعا الماستىرۋدى سۇرايمىن» دەيدى عالىم بايتۋك.
پىكىر قالدىرۋ