قازاقستان دەربەس ەل بولعالى ەكونوميكالىق دامۋىنا تۇساۋ بولىپ كەلە جاتقان جەمقورلىق كەسەلىنەن ءالى ارىلا الماي كەلەدى. وعان قادام جاسالمادى ەمەس، وسى كۇنگە دەيىن ونىمەن كۇرەس جالعاسىپ تا جاتىر. سوڭعى 20 جىلدا پرەزيدەنت اكىمشىلىگى، ۇكىمەت، ۇلتتىق كومپانيالار، ءتۇرلى ورگانداردا جوعارى لاۋازىمدا وتىرىپ ءىستى بولعاندار سانى جەتەرلىك. ءبىراق، ازىرگە ودان ناتيجە بولماي تۇر دەپ جازدى NUR.KZ.
سونىمەن، ءار جىلداردا سوتتالعان، ءىستى بولعان جوعارى لاۋازىم يەلەرىن ەسكە ءتۇسىرىپ كورەيىك.
پرەزيدەنت اكىمشىلىگى
باعلان مايلىبايەۆ — پرەزيدەنت اكىمشىلىگى جەتەكشىسىنىڭ ورىنباسارى
شەنەۋنىك 2017 جىلدىڭ 12 قاڭتارىندا تۇتقىندالدى. مايلىبايەۆقا مەملەكەتتىك قۇپيانى جاريا ەتتى دەگەن ايىپ تاعىلعان.
ۇكىمەت مۇشەلەرى
اكەجان قاجىگەلدين — پرەمەر-مينيستر
شەتەلگە قىلمىستىق ءىس بويىنشا تەرگەۋ باستالماي تۇرىپ كەتىپ قالعان شەنەۋنىككە قازاقستاندىق سوت 2001 جىلى سىرتتاي جەكە مۇلكىن تاركىلەۋ ارقىلى 10 جىلعا باس بوستاندىعىنان ايىرۋ جازاسىن كەستى.
مۇحتار ءابليازوۆ — ەنەرگەتيكا، يندۋستريا، ساۋدا ءمينيسترى
2005 - 2009 جىلى بتا بانكىنەن قارجى جىمقىردى دەپ ايىپتالدى. ءقازىر شەتەلدە. ونى فرانسيا ۇكىمەتى 2013 جىلى ۇستادى. 2014 جىلى قاڭتاردا تومەنگى ينستانسيالىق فرانسۋز سوتى بانكيردى ەكستراديسيالاۋ تۋرالى ۇكىم شىعاردى، الايدا ساۋىردە بۇل شەشىمدى كاسساسيالىق سوت قابىلداعان جوق. وتكەن جىلدىڭ سوڭىندا فرانسيانىڭ مەملەكەتتىك كەڭەسى ونى رەسەيگە ەكستراديسيالاۋدان باس تارتتى.
ۆيكتور حراپۋنوۆ — توتەنشە جاعدايلار ءمينيسترى، ەنەرگەتيكا جانە كومىر ونەركاسىبى ءمينيسترى، ەنەرگەتيكا جانە تابيعي رەسۋرستار ءمينسيترى، شقو اكىمى، الماتى اكىمى
2008 جىلى ساۋىردە ءىستى بولعان حراپۋنوۆ شۆەيسارياعا كوشىپ كەتتى.
جاقسىبەك كۇلەكەيەۆ — ەكونوميكا جانە ساۋدا ءمينيسترى، ءبىلىم جانە عىلىم ءمينيسترى
2008 جىلدىڭ قاراشا ايىندا لاۋازىمىن اسىرا پايدالانعانى ءۇشىن 3 جىلعا باس بوستاندىعىنان جانە ودان كەيىنگى بەس جىلدا جەتەكشىلىك قىزمەتتە وتىرۋ قۇقىعىنان ايىرىلدى. پارا الۋ جونىندەگى ىستە اقتالىپ شىقتى. ءقازىر بوستاندىقتا ءجۇر.
سەرىك بۇركىتبايەۆ — ترانسپورت جانە كوممۋنيكاسيا ءمينيسترى، «قازمۇنايگاز» پرەزيدەنتى
2009 جىلى ونى جالپى رەجيمدەگى كولونيادا 6 جىلعا باس بوستاندىعىنان ايىرعان. ەركىندىككە 2012 جىلدىڭ 16 قاراشاسىندا شىقتى.
نۇرلان ىسقاقوۆ – قورشاعان ورتانى قورعاۋ ءمينيسترى
2009 جىلى 15 قازاندا بيۋدجەت قارجىسىن جىمقىردى دەگەن ايىپپەن 4 جىلعا سوتتالدى.
جاقسىلىق دوسقالييەۆ — دەنساۋلىق ساقتاۋ ءمينيسترى
2011 جىلى 5 تامىزدا سوت شەنەۋنىكتى قاتاڭ رەجيمدەگى كولونيادا 7 جىلعا باس بوستاندىعىنان ايىردى. 2012 جىلى قاڭتارداعى پرەزيدەنتتىڭ راقىمشىلىعىنىڭ اياسىندا دوسقالييەۆتى سول جىلدىڭ ناۋرىز ايىندا بوستاندىققا شىعاردى.
سەرىك بايماعانبەتوۆ — ىشكى ىستەر ءمينيسترى، قارجى مينيسترلىگى كەدەندىك باقىلاۋ كوميتەتىنىڭ ءتوراعاسى
2013 جىلى 8 قاڭتاردا جەكە مۇلكىن تاركىلەۋ ارقىلى قاتاڭ رەجيمدەگى كولونيادا 10 جىلعا باس بوستاندىعىنان ايىرىلعان. 2015 جىلى 19 اقپاندا مەرزىمىنەن بۇرىن شارتتى تۇردە بوساتىلدى.
سەرىك احمەتوۆ — پرەمەر-مينيستر
2015 جىلى 11 جەلتوقساندا سوت وعان جالپى رەجيمدەگى كولونيادا 10 جىل باس بوستاندىعىنان ايىرۋ تۋرالى ۇكىم شىعاردى. سەرىك احمەتوۆتى جەمقورلىققا قاتىستى ايىپتادى.
قۋاندىق بيشىمبايەۆ – ۇلتتىق ەكونوميكا ءمينيسترى
2017 جىلدىڭ 13 قاڭتارىندا تۇتقىندالدى. سوت ۇكىمى شىققان جوق. بيۋدجەت قارجىسىن تالان-تاراجعا سالدى دەپ كۇدىكتەلىپ وتىر.
ۇلتتىق قاۋىپسىزدىك كوميتەتى
ءالنۇر مۇسايەۆ – ۇقك ءتوراعاسى
2008 جىلى اقمولا اسكەري تريبۋنالىنىڭ جابىق وتىرىسىندا ونى بيلىكتى كۇشپەن تارتىپ الۋ ارەكەتى ءۇشىن، وتانىنا ساتقىندىق جاساعانى، مەملەكەتتىك قۇپيانى جاريا ەتكەنى، دۇنيە-مۇلىك، كىسى ۇرلاعانى ءۇشىن 35 جىل باس بوستاندىعىنان ايىرۋعا جازا كەسىلدى. بارلىق مەملەكەتتىك ناگرادالاردان ايىرىلعان. 2007 جىلدان بەرى شەتەلدە تۇرىپ جاتىر.
نۇرلان جولامانوۆ — ۇقك شەكارا قىزمەتىنىڭ ديرەكتورى
ول 2015 جىلى 6 ناۋرىزدا پارا الدى دەگەن ايىپپەن 11 جىل قاتاڭ رەجيمدەگى كولونيادا جازاسىن وتەۋگە كەسىلدى.
نارتاي دۇتبايەۆ — ۇقك ءتوراعاسى
ول 2016 جىلى جەلتوقسان ايىندا مەملەكەتتىك قۇپيالاردى جاريا ەتتى، ءوز قىزمەتىن اسىرا پايدالاندى دەگەن كۇدىكپەن تۇتقىندالدى. ۇلتتىق قاۋىپسىزدىك قىزمەتى سوتالدى تەرگەۋ جۇرگىزىپ جاتىر.
ۇلتتىق كومپانيالار مەن اكسيونەرلىك قوعامدار
مۇحتار جاكىشيەۆ – «قازاتومونەركاسىپ» ۇلتتىق كومپانياسىنىڭ پرەزيدەنتى
2010 جىلى 12 ناۋرىزدا ونى قىلمىستىق كودەكستىڭ 176 (وعان سەنىپ تاپسىرىلعان بىرەۋدىڭ مۇلكىن تالان-تاراجعا سالۋ) جانە 311 («پارا الۋ») باپتارى بويىنشا 14 جىلعا باس بوستاندىعىنان ايىرىپ، ودان كەيىنگى 7 جىل كولەمىندە مەملەكەتتىك قىزمەتكە تۇرۋ قۇقىن جويدى.
سەرىك تۇرجانوۆ — ساۋدا-ونەركاسىپ پالاتاسىنىڭ ءتوراعاسى
2010 جىلى 2 شىلدەدە حالىق ساناعى ءۇشىن بولىنگەن اقشانى جىمقىرعانى ءۇشىن 9 جىلعا سوتتالعان.
مۇرات ۇكشەبايەۆ —الماتى مەتروسىنىڭ ديرەكتورى
2015 جىلى 24 جەلتوقساندا مەترو قۇرىلىسىنا باعىتتالعان قارجىنى ماقساتسىز جۇمساعانى ءۇشىن 9 جىل باس بوستاندىعىنان ايىرۋ جازاسى كەسىلدى.
باقىت جاقسىبايەۆ —«بايتەرەك Development» اق باسقارما ءتوراعاسى
ول بىلتىر 30 قاراشادا تۇتقىندالدى. پارا الدى دەپ كۇدىكتەلىپ وتىر. ءقازىر تەرگەۋ جۇمىستارى ءجۇرىپ جاتىر.
رۋسلان ەردەنايەۆ — «بجزق» اق باسقارما ءتوراعاسى
جىل باسىندا زەينەتاقى قورى مەن جەكەمەنشىك كومپانيانىڭ اراسىنداعى كۇدىك تۋدىرعان شارت ءۇشىن تۇتقىندالدى. قارجىلىق وپەراسيا ناتيجەسىندە بجزق 5 ميلليارد تەڭگەسىنەن ايىرىلدى.
وزگە مەملەكەتتىك ورگاندار
انار مەشىمبايەۆا — ستاتيستيكا اگەنتتىگىنىڭ ءتورايىمى
2014 جىلى 14 اقپاندا 7 جىلعا سوتتالدى. ول ۇلتتىق ساناققا قاجەت بلانك دايىنداۋعا ارنالعان قارجىدان 700 ميلليون تەڭگە جىمقىردى دەپ ايىپتالدى. سونداي-اق مەشىمبايەۆاعا قىزمەتىن اسىرا پايدالاندى دەگەن كىنا تاعىلدى.
ءومىرزاق وزبەكوۆ – جەر رەسۋرستارىن باسقارۋ اگەنتتىگىنىڭ ءتوراعاسى
2013 جىلى ءوز قىزمەتىن اسىرا پايدالانۋ، سەنىپ تاپسىرىلعان وزگەنىڭ مۇلكىن مەنشىكتەپ الۋ جانە تالان-تاراجعا سالۋ، مۇلىك تاركىلەۋ ارقىلى قىلمىستىق ارەكەتكە بارۋ ماقساتىندا ۇيىمداسقان توپ قۇرۋ جانە جەتەكشىلىك ەتۋ ىستەرى بويىنشا 10 جىلعا سوتتالدى.
مۇرات وسپانوۆ — تابيعي مونوپوليالاردى رەتتەۋ اگەنتتىگىنىڭ ءتوراعاسى
(ءتۇپنۇسقاداعى تاقىرىپ: سوڭعى 20 جىلدا ءىستى بولعان تانىمال شەنەۋنىكتەر كىمدەر؟)
پىكىر قالدىرۋ