ەكس-پرەمەر-مينيستر سەرىك احمەتوۆتىڭ جازا مەرزىمى راقىمشىلىققا بايلانىستى قىسقاردى دەپ حابارلايدى tengrinews.kz. اباي اۋداندىق سوتى قاراباس اۋىلىنداعى 159/18 كولونياسىندا راقىمشىلىق ماسەلەسىن جابىق تارتىپتە قارادى.
"سەرىك احمەتوۆكە قاتىستى وتەلمەگەن جازاسىنىڭ قالعان تورتتەن ءبىر بولىگىن "ق ر تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى" ق ر زاڭىنىڭ كۇشىنە ەنۋىنە بايلانىستى قىسقارتۋ تۋرالى ءوتىنىش كەلىپ ءتۇستى. ءوتىنىش احمەتوۆتىڭ وتىنىشىنە بايلانىستى تۇسىرىلگەن. سوتتالعان سەرىك احمەتوۆتىڭ وتەلمەگەن جازاسىنىڭ تورتتەن ءبىر بولىگى، ياعني 1 جىل 7 اي 11 كۇنگە قىسقارتىلدى، - دەپ حابارلادى Tengrinews.kz تىلشىسىنە اباي اۋداندىق سوتىنىڭ ب ا ق جونىندەگى كوورديناتورى ارداق جۇماشيەۆ.
سوتتاعىلاردىڭ ايتۋىنشا، سەرىك احمەتوۆتىڭ ەندىگى جازاسىنىڭ مەرزىمى - 4 جىل 10 اي.
ەسكە سالايىق، سوتتالعان سەرىك احمەتوۆ مەملەكەتكە كەلتىرگەن شىعىننىڭ 2،2 ميلليارد تەڭگەسىن وتەپ قويدى. وسىعان بايلانىستى سوت ونىڭ جازا مەرزىمىن ون جىلدان سەگىز جىلعا دەيىن قىسقارتتى.
پىكىر قالدىرۋ