داۋعا اينالعان "فەنيكس" ءفيلمىنىڭ اتقارۋشى پروديۋسەرى - كۇدىكتىلەردىڭ ءبىرى ناتاليا يۋدينا ءوز كىناسىن مويىنداپ، بەلگىلى اكتەر تۇڭعىشباي جامانقۇلوۆقا جانە قىلمىستىق ءىستىڭ باسقا فيگۋرانتتارىنا قارسى ايعاق بەردى دەپ حابارلايدى tengrinews.kz.

سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وكىلدەرى ناتاليا يۋدينانىڭ بۇلتارتپاۋ شاراسى وزگەرگەنىن حابارلاپ وتىر. بۇعان دەيىن ول قاماۋدا بولعان.

"(...) يۋدينا ناتاليا ءۇي قاماۋىندا"، - دەپ حابارلادى ۇلتتىق بيۋرونىڭ تەرگەۋ دەپارتامەنتىنىڭ جەتەكشىسىنىڭ ورىنباسارى ولەسيا كەكسەل.

الماتى قالالىق سوتىنداعىلار بۇلتارتپاۋ شاراسىنىڭ وتكەن جىلدىڭ 29 جەلتوقسانىندا ق ر انتيكوررۋپسيا قىزمەتى جەدەل-تەرگەۋ توبىنىڭ جەتەكشىسىنىڭ ءوتىنىشى بويىنشا وزگەرگەنىن ايتتى.

"تەرگەۋ ارەكەتتەرىنىڭ ءوندىرىسى كەزىندە كۇدىكتى يۋدينا قىلمىسىن مويىنداپ، قىلمىسىنىڭ ءمان-جايىن تولىقتاي ايتىپ بەردى، وسىدان كەيىن ول قۇپيا تەرگەۋ ارەكەتتەرىنە ءوز ەركىمەن قاتىسۋ جولىمەن تەرگەۋگە بەلسەندى كومەك كورسەتىپ، ت.ك.TURAN UNIVERSAL BUSINESS ج ش س قۇرىلتايشىسى تۇڭعىشباي جامانقۇلوۆتىڭ جانە ءىستىڭ باسقا فيگۋرانتتارىنىڭ قىلمىسىن اشكەرەلەۋگە جاردەمدەستى"، - دەدى الماتى قالالىق سوتىنىڭ اقپاراتپەن قامتۋ ءبولىمىنىڭ باسشىسى دياس ماحامبەتوۆ. ول بۇل مالىمەتتەردى مەدەۋ اۋداندىق №2 سوتىنىڭ قاۋلىسىنا نەگىزدەلە وتىرىپ حابارلاپ وتىر.

سونىمەن قاتار، سوتتىڭ قاۋلىسىندا تۇڭعىشباي جامانقۇلوۆتىڭ جانە باسقالاردىڭ ايىبىن دالەلدەۋگە ءدال وسى يۋدينانىڭ ارەكەتتەستىگى سەبەپ بولعانى ايتىلادى. وسى ارقىلى قىلمىستىق ءىستىڭ فيگۋرانتتارى ءوز كىناسىن مويىنداپ، كەلگەن شىعىندى وتەپ جاتىر ەكەن.

"يۋدينا ناتاليا 2014 جىلى "فەنيكس" كينوجوباسىنىڭ ءوندىرىسى بارىسىندا AlmaStore ج ش س، "سكوروبەيستۋديو" جك، ا.ج.يبراگيموۆانىڭ جەكە كاسىپكەرلىگى، "رۋسناكوۆ" جك ارقىلى يەمدەنۋ جانە جاراتۋ جولىمەن بيۋدجەت قاراجاتىن جىمقىرعان، بۇل قاراجات "فەنيكس" كينوجوباسىنا بولىنگەن"، - دەدى دياس ماحامبەتوۆ.

ايتا كەتەيىك، قاراجات جىمقىرۋ ىسىندە رەجيسسەر تالگاد جانىبەكوۆتىڭ دە اتى اتالادى. ول وتكەن جىلدىڭ جەلتوقسانىندا 2 ايعا قاماۋعا الىنعان بولاتىن. رەجيسسەر وزىنە تاعىلعان ايىپتارمەن كەلىسپەي وتىر.

ناتاليا يۋدينا ق ر قىلمىستىق كودەكسىنىڭ 189-بابىنىڭ 4-بولىگى ("سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ") بويىنشا ايىپتالىپ وتىر، ياعني "فەنيكس" كينوجوباسىنىڭ وندىرىسىنە بولىنگەن قاراجاتتى جىمقىرعان دەگەن ايىپ. ونى انتيكوررۋپسيا قىزمەتىنىڭ تەرگەۋشىلەرى 25 قازاندا ۇستاعان. 28 قازاننان 29 جەلتوقسانعا دەيىن ول قاماۋعا بولعان.

19 قاڭتاردا سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ تەرگەۋ دەپارتامەنتىنىڭ باسشىسىنىڭ ورىنباسارى ولەسيا كەكسەل "فەنيكس" ءفيلمىنىڭ تۇسىرىلىمىنە بولىنگەن قاراجاتتى جىمقىرۋ بويىنشا قىلمىستىق ءىستىڭ تەرگەۋى اياقتالعانىن حابارلادى.

سوتالدى تەرگەۋ بارىسىندا جامانقۇلوۆتىڭ 6 ميلليون تەڭگە كولەمىندە شىعىندى ءىشىنارا وتەگەنى ايتىلعان ەدى. اكتەر وسىعان دەيىن ءوز كىناسىن تولىقتاي مويىنداعان بولاتىن.