پاۆلودارلىق ءۇش ازامات جالعان سوت شەشىمدەرىن قولدان جاساۋمەن اينالىسقان دەپ حابارلايدى 24.kz.

قىلمىستىق جولدى كاسىپ ەتكەن ەرلى-زايىپتىلار بۇل ىسكە زەينەت جاسىنداعى اناسىن دا تارتقان. ولار جالعان قۇجاتتاردى مەملەكەتتىك مەكەمەلەرگە زاڭسىز تىركەۋ ارقىلى وزگە ادامداردىڭ پاتەرىن ساتۋعا قول جەتكىزگەن. الايدا كەزەكتى ءبىر قىلمىس كەزىندە الدانعان ادام قۇجاتتاردىڭ زاڭسىز ەكەنىن ءبىلىپ قويعان. ول قورعاۋشىلار مەن زاڭگەرلەردىڭ كومەگى ارقىلى مۇلكىن كەرى قايتارىپ الدى. ءقازىر الاياقتاردىڭ ءىسى سوتتا قارالىپ جاتىر.

گۇلسىم احتايەۆا، قالالىق №2 سوتتىڭ باس مامانى:

- سوتقا تارتىلعان 3 ادام. بىر-بىرىمەن تۋىس. ولار سوت شەشىمى بار جالعان قۇجاتتار دايىنداپ، بوگدە بىرەۋلەردىڭ پاتەرلەرىن ءوز اتتارىنا اۋدارىپ ساتۋمەن اينالىسقان. جالعان قۇجاتتى كىم جاساعانى، قالاي جاساعانى بەلگىسىز. سوت شەشىمى ءالى شىققان جوق.