الماتىدا تۇركيا كونسۋلدىعىنىڭ ماڭىندا ەر ادام ءوز-وزىن ورتەدى دەپ حابارلايدى tengrinews.kzءىىد رەسمي وكىلى سالتانات ازىربەككە سىلتەمە جاساپ. ول تۇركيانىڭ 44 جاستاعى ازاماتى بولىپ شىقتى.

پوليسيا وكىلدەرىنىڭ مالىمەتىنشە، قۇقىق قورعاۋ ورگاندارىنىڭ قىزمەتكەرلەرى ءورتتى سوندىرۋگە تىرىسقان. كۇيىك شالعان ەر ادام اۋرۋحاناعا جەتكىزىلدى.

"تۇركيا ازاماتى تۇركيانىڭ كونسۋلدىعىن كەلدى. ول كونسۋلدىقتىڭ كۇزەتشىسىمەن جانجالداستى. كەيىن كەلۋشى نارازىلىق ءبىلدىرىپ، ۇستىنە بەلگىسىز سۇيىقتىق شاشىپ، ءوزىن وت قويدى. وعان مامانداندىرىلعان كۇزەت قىزمەتى باسقارماسىنىڭ قىزمەتكەرى كەلىپ، جەرگە قۇلاتىپ، وشىرە باستادى. شۇعىل تۇردە جەدەل جاردەم شاقىرىلدى"، - دەپ حابارلادى الماتى قالالىق ءىىد وكىلدەرى.

قالالىق ءىىد باسپا ءسوز قىزمەتىنىڭ مالىمەتىنشە، ەر ادامنىڭ دەنەسىنىڭ 18 پايىزىن كۇيىك شالعان. ول الماتى قالالىق جەدەل شۇعىل كومەك كورسەتۋ اۋرۋحاناسىنا جەتكىزىلگەن.

"وقيعا ورنىنا مەدەۋ اۋدانىنىڭ جەدەل توبى جونەلتىلدى. ولار وقيعانىڭ ءمان-جايىن انىقتاپ جاتىر"، - دەپ حابارلادى ءىىد وكىلدەرى.

ال كەيىنىرەك حيرۋرگ نۇرجان يسابەكوۆ تۇركيا ازاماتىنىڭ دەنساۋلىق جاعدايى جايلى ايتىپ بەردى. "بەتىن، باسىن، موينىن، كەۋدەسىن، قولدارىن كۇيىك شالعان. ادەتتەگى كۇيىك شالعان جاعدايدا كورسەتىلەتىن ەم تاعايىندالدى"، - دەپ حابارلادى دارىگەر.