«نەگە ول سول كۇنى ءاتىر ارتىق سەپتى، مەن نەگە اق جەيدەمدى كيىپ باردىم؟» ميراس اسان

«ءاتىر ءيىسى – ەستەلىكتەردىڭ ەڭ قانىق ءتۇرى» جان پول گەرلەن

ءار ءيىس – نوتا، ال پارفيۋمەر بولسا  ەلىتكىش «جۇپار سيمفونياسىن» جازاتىن سكريپكاشى-ۆيرتۋوز دەپ جازادى massaget.kz. Guerlain پارفيۋمەريالىق ءۇيىنىڭ اڭىزىنا اينالعان Shalimar (شاليمار) جۇپارى 1925 جىلى پاريجدە وتكەن حالىقارالىق قولونەر كورمەسىندە جۇرتشىلىققا ۇسىنىلعان بولاتىن. سول شارادا Shalimar تەك ءاتىر رەتىندە عانا ەمەس، سونداي-اق، قۇتىسىنىڭ كوركەمدىگى ءۇشىن دە ۇزدىك دەپ تانىلعان ەدى.

XX عاسىردىڭ العاشقى جارتىسىندا باستالعان شىعىسقا دەگەن قۇمارلىق كوپتەگەن ايرىقشا ونەر تۋىندىسىنىڭ دۇنيەگە كەلۋىنە سەبەپ بولدى. سونىڭ ىشىندە، شىعىستىق سارىنداعى عاجاپ جۇپار تۇرلەرى ەۋروپانى دالا جۋسانىنىڭ يىسىنە بولەدى. وسى ماقامداعى حوش ءيىستى اتىرلەر قانىق بوياۋىمەن، تۇڭعيىق تەرەڭدىگىمەن، قوس جانارى قۇپياعا تولى شىعىستىق ارۋلارداي تاڭسىق ءارى ەلىتكىش جۇپارىمەن ەرەكشەلەنەتىن. ءبىز اڭگىمەلەپ وتىرعان Shalimar سولاردىڭ العاشقىسى ەدى.

شاليمار – ماحاببات باعى پارفيۋمەر جاك گەرلەن پاك ماحاببات حيكاياسىن ەستىپ، شىن سەزىمنىڭ قۇدىرەتىنە تاڭقالادى. ول ءۇندى يمپەراتورى شاح جاحان مەن ونىڭ ومىرلىك جارى مۇمتاز ماحال تۋرالى ماحاببات داستانى بولاتىن. قوس عاشىق قوسىلعاندا شاح جاحان بالا دۇنيەگە كەلگەن سوڭ سەزىمىنىڭ بەلگىسى رەتىندە سۇيگەنىنە ساراي سالدىرىپ، ب ا ق ورناتامىن دەگەن سەرت بەرەدى. الايدا، مۇمتاز ماحال ۇلى دۇنيەگە كەلگەن سوڭ كوز جۇمادى. بيلەۋشىنىڭ قايعىسىنا شەك بولمادى. ونى جۇباتۋعا ەشكىمنىڭ قۇدىرەتى جەتپەدى.

اراعا جىل سالىپ، ءسال ەسىن جيعان سوڭ شاح جاحان سۇيگەنىنە بەرگەن انتىن ورىنداۋعا كىرىسەدى. ساراي ونىڭ عاشىعىنداي ادەمى، ونىڭ قايعىسىنداي الاپات، ونىڭ سەزىمىندەي بيىك بولۋى ءتيىس ەدى. وسىلايشا، الەمدەگى ەڭ كەرەمەت ساراي  — ءتاج-ماحال پايدا بولدى. ال، ونىڭ اينالاسىنداعى كوركەم ب ا ق شاليمار («ماحاببات باعى») اتانىپ كەتتى. گەرلەن ءوز اتىرىندە سول شىعىستىق ماحاببات باعىنىڭ ايرىقشا اتموسفەراسىن جاڭعىرتقىسى كەلدى.

 “قۇتىداعى ارماننىڭ” قۇرامى Guerlain Shalimar ليمون، بەرگاموت، تونك تۇيىرلەرى، ۆانيل، يريس، لادان، جاسمين، راۋشان مەن وپوپوناكس نوتالارى ارقىلى ءۇندى باقتارىنىڭ ەستەن تاندىرار يىسىنە باۋرايدى. العاشقى سيترۋستىق نوتالاردى ءتۇرلى گۇلدەردىڭ اڭقىعان ءيىسى مەن ازداعان ۆانيل تامشىلارى الماستىرادى. «The New Book of Perfumes» كىتابىنىڭ اۆتورى، پارفيۋمەريا سىنشىسى دجون وۋكس «ەگەر ءسىز تالعامپاز ءھام داۋاسىز رومانتيك بولماساڭىز Shalimar اسەرىن ۇعامىن دەپ ويلاماڭىز» - دەگەن باعا بەردى.

«Shalimar تالعام مەن تالعامسىزدىقتىڭ شەكاراسىنداعى دۇنيە، سوندىقتان اباي بولىڭىز». بۇل Haute Parfumerie برەندىنىڭ نەگىزىن قالاۋشى، سىنشى روجە داۆ اڭىز ءاتىر تۋرالى پىكىرى.

قىزىقتى دەرەكتەر

– شاليمار ءاتىرى امەريكالىق جازۋشى س. ە. ءفيلليپپستىڭ «ءمىنسىز بيكەش» رومانىندا بىرنەشە رەت اتالادى. باستى كەيىپكەردىڭ اناسى بەليندا ساۆاگار ۇنەمى وسى ءاتىردى قولداناتىنى تۋرالى ايتىلادى.

– Software جوباسى 1990 جىلى «Fragrance. Art of parfume» اتالاتىن البوم جازادى، سونداعى كومپوزيسيالاردىڭ ءبىرى شاليمار اتىرىنە ارنالعان.

 – «ىسكەر بيكەش» فيلمىندەگى كادرلاردىڭ بىرىندە سيگۋرني ۋيۆەر ەسىمدى كەيىپكەر كەزدەسۋ الدىندا «شاليمار… ول شاليماردى ۇناتادى….» - دەگەن سوزدەرمەن ءاتىر سەپكەنى كورسەتىلەدى.

 – «ەشتەڭە كورمەيمىن، ەشتەڭە ەستىمەيمىن» اتالاتىن فيلمدە ۋوللي ەسىمدى زاعيپ كەيىپكەر كىسى ءولتىرۋشى ايەلگە: «كەشىرىڭىز، بۇل شاليمار ما؟ ءسىز شاليمار قولداناسىز با»؟ – دەيدى. ايەل: «ءيا، بۇل شاليمار».

– «داۋاسىزدار جاعالاۋى» ەسسەسىندە يوسيف برودسكيي بىلاي جازدى: «كەيىن مەنىڭ اريادنaم كوزدەن تاسا بولدى. ءبىراق، ونىڭ قىمبات ءاتىرىنىڭ (شaليمار ەمەس پە ەكەن؟) ءيىسى ءناجىس ساسىعان پانسيوندا قالىپ قويدى …». كەيىن كەيىپكەردىڭ ءپروتوتيپى سينورا دزۋليانا سۇحباتتارىنىڭ بىرىندە: «ءيا، مەن ول كەزدە شاليماردى ۇناتاتىنمىن».

 – شاليمار كاترين پانوكلدىڭ «ءبىز ءالى بيلەيمىز» تۋىندىسىندا دا اتالادى. ول - ءليۋسيلدىڭ سۇيىكتى ءاتىرى. – ۆان مورريسوننىڭ «Madame George» انىندە شاليمار اتالاتىن جول بار: «And that smell of sweet perfume comes drifting through، The cool night air like Shalimar».

 – "امەريكالىق قورقىنىشتى اڭگىمەلەر" (2011-...) تەلەحيكاياسىنىڭ 5 ماۋسىمىندا كەيىپكەردىڭ ءبىرى بىلاي دەيدى: "سەن ەكەنىڭدى شاليمار ەمەس قان يىسىنەن ءبىلدىم..."

– دجەيمس پيتەردىڭ "سەن سەكىلدى ولىك" شىعارماسىندا دا شاليمار ءاتىرى اتالادى. كەيىپكەردىڭ اناسى ۇنەمى وسى ءاتىردى قولداناتىن.  "ونىڭ مۇرنى ءيىستى كەرەمەت اجىراتاتىن.اسىرەسە، «شاليمار». ەندى شە؟ اناسى ۇنەمى «شاليمار» قولداناتىن".