ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى 2016 جىلى قازاقستانعا قانشا قانداسىمىز كوشىپ كەلگەنى تۋرالى اقپارات تاراتتى. وعان ساي، وتكەن جىلى 16 مىڭ 417 وتباسى نەمەسە 33 مىڭ 754 ەتنيكالىق قازاق تاريحي وتانىنا قايتا ورالىپ، ورالمان مارتەبەسىن الدى.

قازاقستانعا كەلگەن قانداستاردىڭ كوپشىلىگى، ياعني 65،5%-ى وزبەكستاننان كەلگەن. سونداي-اق، 24،9%-ى – قىتايدان، 3،2%-ى – تۇرىكمەنستاننان، 2،7%-ى – موڭعوليادان، 3،7%-ى وزگە ەلدەردەن ورالعان. ولاردىڭ باسىم بولىگى، ياعني 33،9%-ى – وڭتۇستىك قازاقستان وبلىسىنا، 25،4%-ى – الماتى وبلىسىنا، 10،6%-ى – ماڭعىستاۋ وبلىسىنا، 5،8%-ى – جامبىل وبلىسىنا، 24،3%-ى ەلىمىزدىڭ وزگە وڭىرلەرىنە قونىستاندى. ەلگە ورالعان قانداستارىمىزدىڭ 65،4%-ى ەڭبەككە قابىلەتتى جاستا بولسا، 16 جاسقا دەيىنگىلەرى – 28،6%، زەينەتكەرلەر 6%-ى قۇرايدى.

ەڭبەككە جارامدى ەتنيكالىق قازاقتاردىڭ 10،8%-ىنىڭ جوعارى ءبىلىمى بار بولسا، 20،3%-ىندا ورتا ارناۋلى ءبىلىم بار، 65%-ى جالپى ورتا ءبىلىمى بار ازاماتتار، ال 3،9%-ىنىڭ ءبىلىمى جوق.