پرەزيدەنتتىك لاۋازىم مەرزىمى ەكى كۇننەن كەيىن، 28 تامىزدا اياقتالاتىن تۇركيانىڭ ەكس-پرەزيدەنتى گۇل حالىققا ارناپ قوشتاسۋ جاريالادى. بۇل تۋرالى  ترت-قازاق  ارناسى جازدى.

گۇل جولداۋىندا «ۇلتتىق ەرىك-جىگەردىڭ وكىلى، ۇلى تۇركيا ۇلى ۇلتتىق ءماجىلىسى تاراپىنان پرەزيدەنت بولىپ سايلانعان مىندەتىم بارىسىندا الدىمەن چانكايانىڭ قاقپاسىن حالىققا ايقارا اشتىم. مەملەكەت پەن ۇلتتى جاقىنداستىردىم. اتازاڭدى ورىنداۋ جانە مەملەكەتتىك ورگاندار اراسىندا ۇيلەسىمدىلىكتى قامداۋ مىندەتىمدى لايىقتى تۇردە ورىنداۋعا تىرىستىم» دەگەن. ساياسي كوزقاراسىنا قاراماستان بەيتاراپتىعىن ساقتاعانىن بىلدىرگەن ابدۋللاح گۇل شەتەلدەرگە ساپارىندا دا مەملەكەت پەن ۇلتتىڭ اتىنا، كۇشىنە جانە ابىرويىنا نۇقسان كەلتىرمەگەنىن ايتتى.

ابدۋللا گۇل 1950 جىلى 29 قازاندا، تۇركيانىڭ 27 جىلدىق تاۋەلسىزدىك كۇنىندە تۋىلعان. ول تۇرىك رەسپۋبليكاسىنىڭ 11 پرەزيدەنتى. 2007 جىلى، 28 تامىزدان تۇركيا پرەزيدەنتى بولدى. وعان دەيىن سىرتقى ىستەر ءمينيسترى بولعان. گۇل 2002 جىلى 11 قاراشادا تۇركيانىڭ پرەمەر-مينيسترى بولىپ سايلانىپ، تۇركيانىڭ 58 ۇكىمەتىن قۇردى. ەكس-پرەزيدەنت ەلدىڭ زاڭى بويىنشا سايلاۋعا ءتۇستى جانە زاڭ اياسىندا 7 جىل پرەزيدەنتتىك قىزمەت اتقاردى. ول ءوزىنىڭ پرەزيدەنتتىك قىزمەتى اياسىندا 2008 جىلى، استانا قالاسىنىڭ ون جىلدىعىندا جانە  2010 جىلى قازاقستانعا ءىس ساپارمەن كەلدى.

تۇركيا جۇرتى ونى ەندى كەڭەسشى قىزمەتىن اتقارادى دەپ بولجايدى. سەبەبى ۇلكەن ساياساتتا گۇلدىڭ باسى داۋلى ماسەلەلەرگە شاتىلعان ەمەس.

قامشى-اقپارت