فينليانديادا 1 ناۋرىز كۇنى «تەڭ قۇقىقتى نەكە» تۋرالى زاڭ قابىلدانىپ، جۇزەگە اسىرىلدى دەپ حابارلايدى «قامشى پورتالى»   caravan.kz-كە سىلتەمە جاساي وتىرا.

بۇل زاڭ بويىنشا نەكە ەكى تۇلعانىڭ بىرىككەن وداعى رەتىندە قاراستىرىلادى. بۇرىندارى ايەل مەن ەركەك اراسىنداعى وداق بولعان بولسا، قازىرگى ۋاقىتتا وسى تىركەس جوعارىداعىمەن الماستىرىلعان.

فينليانديا پارلامەنتى بۇل زاڭدى 2014 جىلدىڭ قازان ايىندا قابىلداعان، وعان 200 دەپۋتاتتىڭ 150ء-ى داۋىس بەرگەن. 95 دەپۋتات قانا قارسى بولعان.  فينليانديا پرەزيدەنتى ساۋلي نيينيستە (Sauli Niinisto) بۇل قۇجاتقا قول قويعان.

قۇجات زاڭداستىرىلىپ، جۇزەگە اسىرىلۋعا رۇقسات ەتىلگەن كۇنى، ياعني 1 ناۋرىزدا، ءبىر جىنىستى نەكەگە ون شاقتى جۇپ ارىز جازعان. ەۆانگەليا-ليۋتەراندىك فين  شىركەۋى ءبىر جىنىستى نەكەگە قارسىلىق ءبىلدىرىپ، نەكەلەستىرمەيتىندىكتەرىن جەتكىزدى. الايدا،  وعان قاراماستان، مۇنداي ءبىر جىنىستى نەكەنى جۇرگىزۋگە قارسى بولماعان جەكە ءدىن قىزمەتشىلەرى دە تابىلدى.

قازىرگى تاڭدا ءبىر جىنىستى نەكەنى الەمنىڭ 20 ەلىندە تىركەۋگە رۇقسات ەتىلگەن.