ۇقك سوتقا دەيىنگى تەرگەۋ شەڭبەرىندە ەلوردادا «حيزب-ۋت-تاحرير» دىني-ەكسترەميستىك ۇيىمىنىڭ باتاۋىش ۇيىمىن قۇرۋعا نيەتتەنگەن استانا قالاسىنىڭ تۇرعىنى «ا.ك.» ۇستادى دەپ حابارلايدى qamshy.kz ۇقك باسپا ءسوز قىزمەتىنە سىلتەمە جاساپ.

بۇعان دەيىن اقپان ايىندا «حيزب-ۋت-تاحرير» يدەياسىن ناسيحاتتايتىن پاراقشالاردى تاراتۋ كەزىندە ونىڭ الماتىداعى جاقتاسى «م.ە.» ۇستالعان بولاتىن.

اتالعان فاكتىلەر بويىنشا تەرگەۋ امالدارى جۇرگىزىلۋدە.

ايتا كەتەيىك، «حيزب-ۋت-تاحرير» ءوزىن «الەمدىك حاليفات» قۇرۋدى كوزدەيتىن ساياسي پارتيا رەتىندە كورسەتەدى.

ول ءۇشىن الەمنىڭ ءتۇرلى ەلدەرىندە ءدىندار ادامدار اراسىنان جاقتاستار تارتۋمەن اينالىساتىن جاسىرىن باستاۋىش ۇيىمدار قۇرۋدا. «حيزب-ۋت-تاحرير» يدەولوگياسى زايىرلى ۇكىمەتكە قارسى قارۋلى كۇرەسكە دە رۇقسات ەتەدى.  

اتالعان ۇيىم رەسەيدە، پاكىستاندا، كوپتەگەن اراب مەملەكەتتەرىندە، ەۋروپا، وڭتۇستىك شىعىس جانە ورتا ازيا ەلدەرىندە لاڭكەستىك ۇيىم رەتىندە زاڭمەن قۋدالانادى.

قازاقستاندا «حيزب-ۋت-تاحرير» قىزمەتى 2005 جىلدىڭ ناۋرىز ايىندا استانا قالاسىنىڭ سوتىمەن ەكسترەميستىك دەپ تانىلىپ،  تىيىم سالىنعان.

سول ۋاقىتتان بەرى قۇقىق قورعاۋ جانە ارنايى ورگاندار ونىڭ 160 باسشىسى مەن بەلسەندىلەرىن قىلمىستىق جاۋاپكەرشىلىككە تارتتى. 700-دەن اسا ادام ەكسترەميستىك يدەولوگيادان ءوز ەركىمەن باس تارتتى.

قازاقستاندا «حيزب-ۋت-تاحرير» ارەكەتتەرىن قايتا جانداندىرۋدىڭ جەكەلەگەن ۇمتىلىستارى ادەتتە سىرتقى ناسيحات ىقپالى ارقىلى كورىنىس تابۋدا.