ادامداردىڭ اسىرەسە، جاڭا تانىستاردىڭ ەسىمدەرىن ەستە ساقتاۋ قاجەتتى قابىلەت ەكەنى بەلگىلى. بۇل ماسەلە تىكەلەي ادامنىڭ جادىسىنا قاتىستى بولسا دا، ادام ەسىمدەرىن، تەلەفون نومىرلەردى ەستە ساقتاعاندا دەس بەرمەيتىن، ال كەرىسىنشە جالپى ەستە ساقتاۋ قابىلەتى ناشار بولاتىن ادامدار بولادى.  وسى تاقىرىپتا «قامشى پورتالى» ادام ەسىمدەرىن ەستە ساقتاۋدىڭ ءتيىمدى تاسىلدەرىن ۇسىنادى.

كوپتەگەن بيزنەس ترەنەرلەردىڭ ايتۋىنشا، ادامدار ەسىمىن جاتتاي الۋ كومپانيا جەتەكشىلەرى مەن جۇمىس بەرۋشىلەر ءۇشىن جۇمىسشىلارىنىڭ سەنىمىنە كىرۋدىڭ ەڭ ءتيىمدى، ەففەكتيۆتى ءتاسىلى. ال مەنەدجەرلەر ءوز كەزەگىندە پوتەنسيالدى كليەنتتەرمەن تۇسىنىستىك ورناتۋ ماقساتىندا ەسىمدەردى جاتتاپ الۋ ۇلكەن سۇرانىسقا يە ەكەنىن جاسىرمايدى.

بەلگىلى ءبىر ورتاعا كىرىپ ادامداردىڭ اتتارىن جاتقا اتاي الۋ قابىلەتى ول ادامدار تۋراسىندا ءسىزدىڭ پىكىرىڭىز بەن ويىڭىزدىڭ ماڭىزدى ەكەنىن كورسەتەدى.

ادام ەسىمدەرىن ەستە ساقتاۋ قابىلەتى ەگەر ءسىز جۇمىس بەرۋشى، جەتەكشى بولساڭىز جۇمىسشىلاردىڭ جۇمىس كورسەتكىشىن جوعارىلاتادى، سەنىمدىلىك بەرەدى.

«ادام-بۇل جاد». ونىڭ دامۋىنا كوپ ءمان بەرىلۋى ءتيىس. بۇگىنگى كۇنى ءبىز ءارتۇرلى گادجەت قۇرالدارىنا جۇگىنەمىز، الايدا جادتى جاتتىقتىرۋ ەش ۋاقىتتا ارتىق بولمايدى.

Memorize Academy كومپانياسىنىڭ نەگىزىن قالاۋشى كايل بيۋكەنەن «جادتىڭ، ەستە ساقتاۋ قابىلەتىنىڭ  ناشارى بولمايدى» دەيدى. تەك ەستە ساقتاۋدىڭ ارنايى تاسىلدەرىنە ماشىقتانۋ كەرەك.

جادتى زەرتتەيتىن ساراپشىلاردىڭ ايتۋىنشا، جاڭا تانىسقان ادامنىڭ ەسىمىن ول ءوزىن تانىستىرعان ۋاقىتتا بىردەن ساقتاپ قالۋ كەرەك، مۇقيات ەستە ساقتاۋ قاجەت. كەيدە ادامدار وزدەرىنىڭ ويلارى مەن پروبلەمالارى ەسەبىنەن كوپ نارسەنى ەستە ساقتاي بەرمەيدى.

ودان كەيىن جاڭا عانا ەستىگەن ەسىمدى بەلگىلى ءبىر ۆيزۋالدى وبرازبەن بايلانىستىرۋ (ماسەلەن ەسىمىنىڭ ايتىلۋىنداعى ەرەكشەلىك نەمەسە سىرت كەلبەتىندەگى ەرەكشەلىكتى ەسكەرۋ).

ايتالىق، كەزدەسۋدە ءسىز وزىڭىزگە قىزىقتى ادامدى كەزدەستىرىپ قالدىڭىز. ول سىزگە ءوز ء-وزىن تانىستىرادى. ءدال سول ۋاقىتتا  مۇقيات بولۋىڭىز. ول ادام  ەسىمىن اتاعاندا ونى ۆيزۋالدى وبرازبەن بايلانىستىرىڭىز.

 ماسەلەن، ءسىز تانىسقان ادامنىڭ اتى قارلىعاش بولسا، ونى قۇسپەن نەمەسە تاعى ءبىر دەتالدارمەن بايلانىستىرىپ وبراز جاساۋعا بولادى.

          ۇمىتىلعان ەسىم ۇلكەن پروبلەماعا اينالۋى ابدەن مۇمكىن. اسىرەسە، ىسكەرلىك ومىردە. 

ەسىمدى ۇمىتىپ قالۋ ۇلكەن ادەپسىزدىك، وجارلىق. قاسىڭىزداعى ادام وعان قۇرمەتسىزدىك تانىتىپ تۇر دەپ ويلاپ قالۋى مۇمكىن.

كەز كەلگەن ادام ءۇشىن ونىڭ ەسىمى ايرىقشا، ۋنيكالدى. سوندىقتان ءار ادام ءۇشىن ءوزىنىڭ ەسىمىن سىيلاماۋ، ءوزىن سىيلاماۋمەن بىردەي.

ەستە ساقتاۋ قابىلەتىن دامىتۋ ادامنىڭ بويىنداعى باسقا دا قابىلەتتەردىڭ دامۋىنا جول اشاتىنى پسيحولوگتارمەن دالەلدەنىپ وتىر.

ەستە ساقتاۋ قابىلەتى جاقسى جۇمىس ىستەيتىن ادامداردىڭ ەلەستەتۋ قابلەتى مەن فانتازياسى، قيالى دامۋى جاعىنان الدەقايدا الدا بولادى. سونىمەن قاتار پروبلەمالاردى شەشۋگە شىعارماشىلىق تۇرعىسىنان كەلەدى.

           جادى بۇل ەسىمدەردى ەستە ساقتاۋ قابىلەتى عانا ەمەس، قارىم-قاتىناس، اڭگىمەلەسۋ ءۇشىن، شەشىم قابىلداۋ ءۇشىن قاجەتتى.

   عالىمداردىڭ پىكىرىنشە، ادامنىڭ قاي سالادا جۇمىس ىستەيتىنىن ەستە ساقتاۋ، سول ادامنىڭ ءوزىنىڭ ەسىمىن ەستە ساقتاۋعا قاراعاندا الدەقايدا جەڭىل. ماسەلەن، ەگەر ءسىز ارمان ەسىمدى ءمۇعالىمدى كەزدەستىرسەڭىز، ءسىز ونىڭ ءمۇعالىم ەكەنىن، ساباق بەرەتىنىن تەز ەستە ساقتايسىز. الايدا ول ءمۇعالىمنىڭ ەسىمى ماقسات ەكەنىن ۇمىتىپ كەتەسىز. سەبەبى ماقسات ەسىمدى قانشاما مۇعالىمدەر بار بولۋى مۇمكىن. «ماقسات» دەگەن ەسىم مەن مۇعالىمدىك كاسىپ ءبىر بىرىمەن بايلانىسپايدى.

ادامداردىڭ ەسىمىن ەستە ساقتاۋعا ءتيىمدى بەس ءتاسىل:

1. مۇقيات تىڭداۋ. كوبىنە-كوپ، ءبىز- ادامداردىڭ وز-وزدەرىن تانىستىرىپ نەمەسە وزدەرى تۋرالى ايتىپ جاتقان كەزدە،ولاردى تىڭداۋدىڭ ورنىنا ءوزىمىزدىڭ نە ايتاتىنىمىزدى ويلانىپ تۇرامىز.

2. ەسىمدى قايتالاۋ. جاڭا تانىسىڭىزدىڭ ەسىمىن ەستىگەندە ونى بىر-ەكى رەت قايتالاۋىڭىز قاجەت. ەرسى كورىنبەس ءۇشىن، ونىڭ اتى قالاي جازىلاتىنىن سۇراساڭىز بولادى نەمەسە «تانىسقانىما قۋانىشتىمىن، .....» دەپ ەسىمىن قوسىپ ايتساڭىز بولادى.

3. ەسىمگە سايكەس كەلەتىن وبراز قۇراستىرىڭىز.

4. قۇراستىرعان وبرازدى ادامنىڭ سىرت كەلبەتىمەن بايلانىستىرۋ

5. تاعى دا ءبىر رەت وسى اقپاراتتى وي ەلەگىنەن وتكىزۋ

ازداعان ۋاقىت وتكەن سوڭ جاڭا تانىسقان ادامداردىڭ ەسىمدەرىن، ولاردىڭ نەمەن اينالىساتىندارى جونىندەگى اقپاراتتى ەسكە ءتۇسىرۋ ارتىق بولمايدى.

نازەركە مۇسا