تۇركىستاندىق ءنازيرا رۇستەمبايەۆانىڭ عاجايىپ تاعدىرى كۇللى دۇنيە ءجۇزى عالىمدارىن اياعىنان تىك تۇرعىزدى. ءتىپتى، ماماندار 4 جاسىندا ۇيقىعا كەتكەن قازاق قىزىنىڭ 20 جاسىندا ويانۋىن ءالى كۇنگە دەيىن تۇسىنە الماي كەلەدى. تاشكەنتتىڭ عىلىمي زەرتتەۋ ورتالىعىندا 16 جىل بويى ارنايى تۇتىكشەمەن تاماقتانعان ءنازيرا ۇيقىدا جاتقانداعى سەزىمىن قازاق ەلىنە ەندى جەتكىزگەن، دەپ حابارلادى ينفورمبيۋرو جاڭالىقتار قىزمەتى.

العاشىندا ءنازيرانى باسىنان كۇن ءوتتى دەگەن دياگنوزبەن اۋرۋحاناعا جاتقىزادى. بىرنەشە كۇن بويى ەسىن جيماعان سوڭ 4-جاسار ءبۇلدىرشىندى ولدىگە ساناپ، اتا-اناسى جەر قوينىنا تاپسىرادى. جەرلەۋ ءراسىمىنىڭ ەرتەڭىندە اتاسى تۇسىندە نەمەرەسىنىڭ ءتىرى ەكەنىن جەتكىزگەن ايان العانىن ايتادى. الايدا، قابىردەن قازىپ الىنعان قىزدىڭ ويانۋى قيىنعا سوققان.

ۇيقىدا جاتقانداعى سەزىمىن ءنازيرا بايانداپ بەردى:

«مەن ۇيىقتاپ جاتقان كەزدە كادىمگىدەي ءتۇس كورەتىنمىن. ۇنەمى ۇيىقتاپ جاتقان قىزدىڭ بەينەسى كوز الدىما ەلەستەيتىن. سول كەزدە سول جاننىڭ ءوزىم ەكەنىن دە سەزدىم. ورىك-الما اعاشتارىنىڭ كوبەيگەن كەزدەگى ءيىسى مۇرنىما كەلەتىن».