كييەۆتە جەزوكشەلەر ميتينگىسى ءوتتى. نارازى ايەلدەر قاۋىمى جەزوكشەلىكپەن اينالىسۋدى زاڭداستىرۋدى تالاپ ەتكەن دەپ حابارلايدى «قامشى پورتالى» today.kz-كە سىلتەمە جاساپ.

ۇكىمەت ءۇيى مەن پرەزيدەنت اكىمشىلىگى عيماراتتارىنىڭ الدىندا جينالعان توپتار كوبى ماسكا كيىپ بەتتەرىن جاسىرعان. ولارعا قۇقىق قورعاۋ ۇيىمدارىنىڭ كەيبىرى قوسىلىپ، قولداۋ كورسەتكەن. ونىڭ ىشىندە Amnesty International ۇيىمى دا بار. ميتينگكە شىعۋشىلار «ساياسي جەزوكشەلىك قانا جاۋاپقا تارتىلسىن!» «ايىپپۇل تولەتۋدى دوعىرىڭدار، زاڭداستىرىڭدار!» دەگەن لوزۋنگتار كوتەردى.

بەلسەندىلەردىڭ ءبىرى پاۆەل سكالا اكىمشىلىك كودەكستەگى جەزوكشەلىك ءۇشىن ايىپپۇلدى الۋ تۋرالى زاڭ جوباسىن ۇسىندى.

جوعارعى كەڭەس پريزيديۋمىنىڭ 1987 جىلعى بۇيرىعى بويىنشا ەلدەگى جەزوكشەلىككە ايىپپۇل سالىنعان. 2001 جىلدان 2006 جىل ارالىعىندا ەلدە جەزوكشىلىك قىلمىستىق ءىس رەتىندە قاراستىرىلعان.