شىمكەنتتە ادام ۇرلاۋ مەن ءولتىرۋ فاكتى بويىنشا قىلمىستىق ءىس قوزعالدى دەپ حابارلايدى «قامشى پورتالى» caravan.kz-كە سىلتەمە جاساي وتىرا. 30 جاسار تاكسيشىنى ولتىرگەن قىلمىسكەرلەر  ىشىمدىككە قاتتى ماس بولعاندىقتارىن جەتكىزگەن.      

بىلتىرعى جىلدىڭ قىركۇيەك ايىندا  30 جاسار شىمكەنت تۇرعىنى يۋنۋس ب. ءىز-تۇسسىز جوعالىپ كەتكەن.

Daewoo Gentra ماركالى اۆتوكولىگىمەن تاكسيشى بولىپ قىزمەت اتقارعان ول جۇمىس بارىسىندا بىرنەشە رەت مىندەتتى تۇردە ءوزىنىڭ جۇبايىمەن حابارلاسىپ وتىراتىن بولعان.  ءۇش بالانىڭ اكەسى ول جول-جونەكەي تاپقان اقشاسى جايلى جۇبايىنا ايتىپ وتىرعان.

وقيعا ورىن العان كۇنى يۋنۋس ب. ادەتتەگىدەي جۇمىسقا شىققان. ساعات تۇنگى 10-نان باستاپ ايەلىنە حابارلاسپاي، تۇندە ۇيىنە دە قايتىپ ورالماعان. تاڭەرتەڭ كۇيەۋىنىڭ جوقتىعىنا شوشىنعان ايەلى پوليسەي قىزمەتكەرلەرىنە كۇيەۋىنىڭ جوعالعانى تۋرالى حابار بەرگەن.  

ارادا ءۇش كۇن وتكەن سوڭ قالادان بىرنەشە شاقىرىم جەردە كەزدەيسوق جۇرگىنشىلەر  زاقىمدارى كوپ ەر ادامنىڭ دەنەسىن كورىپ قالعان. قولدارى، اياعى مەن موينىنا ارقان بايلانعان قاتتى زاقىمدانعان ادام دەنەسى ونىڭ كىسى قولىنان قاساقانا ولتىرىلگەندىگىن بايقاتقان. سىرت كيىمى شەشىلىپ اۋزىنا تىعىلعان ەر ادامنىڭ دەنەسى ۇرىپ-سوعىلعان جانە  ەشبىر قۇجاتى جوق بولعان.

پوليسيا قىزمەتكەرلەرى تابىلعان ادامنىڭ جوعالعان يۋنۋس ب. بولۋى مۇمكىن ەكەنىن اڭعارعان. قاتتى الاڭداپ، كۇتىپ وتىرعان ايەلى ءوز كۇيەۋىن مۇنداي كۇيدە كورەمىن دەپ ءتىپتى ويلاماسا كەرەك. قاتتى ازاپتانعان، قالجىراعان دەنەنى تانۋعا كەلگەن كەزدە ءوز كۇيەۋىن تانىماي قالعان. تەك قانا كيىمدەرىن كورگەن كەزدە عانا ولاردىڭ كۇيەۋىنە تيەسىلى ەكەنىن ايتقان.

ۇرلانعانداردىڭ ىشىندە  Daewoo Gentra اۆتوكولىگىمەن قوسا ۇيالى تەلەفون دا بولعان. تەلەفون ارقىلى  سارىاعاش اۋدانى مەكەن جايى  انىقتالعان. مارقۇمنىڭ ايەلىنىڭ ايتۋىنشا Nokia مودەلىنىڭ تەلەفونى  اركەز كۇيەۋىنىڭ قولىندا بولعان.

ناتيجەسىندە ۇرلانعان تەلەفوندى ساتىپ العان ازامات تابىلدى. ول ءوز كەزەگىندە ول تەلەفوندى سول اۋداننىڭ تۇرعىندارىنان ساتىپ العاندىعىن جەتكىزگەن. اۋداندا بارلىعى ءبىر-بىرىن تانيتىن بولعاندىقتان ساتىپ الۋشى وزىنە تەلەفوندى كىم ساتقانىن، ءاتى-جونىن مۇدىرمەي ايتقان.

 وسىنىڭ ناتيجەسىندە ۇرلىق ءۇشىن سوتتىعى بار 32 جاسار قانات كامالوۆ پەن تۋرا سونداي ۇرلىق ءۇشىن بۇرىندارى سوتتالعان 42 جاسار راسۋل شايزاكوۆ ۇستالعان.

قىلمىسكەرلەر  Daewoo Gentra اۆتوكولىگىن ساتپاقشى بولىپ جاتقان جەردەن تابىلعان. ەكەۋىن دە، بۇل اۆتوكولىك ۇرلانعان ەكەندىگى جانە يەسىن وزدەرى ءولتىرىپ كەتكەندىگى، مازالاماعان دا.

ۇستالعاندار بىردەن وزدەرىنىڭ كىنالارىن مويىنداعان. قىلمىس ورىن العان كۇنى ەكەۋى: كامالوۆ پەن شايزاكوۆ شىمكەنتكە ءبىراز تۇراقتاۋعا كەلگەن. ىشىمدىككە سىلقيا تويىپ العان ولار تاكسي ۇستاپ،ەكەۋىن قالا سىرتىنا اپارىپ تاستاۋىن سۇراعان. قالا سىرتىنا شىققاندا ەكەۋى تاكسيستكە تاپ بەرگەن، ونى ۇرىپ-سوققان. يۋنۋس ب. ءوز كەزەگىندە قورعانۋعا تىرىسىپ، ولارعا قارسى جۇدىرىقتاسقان. يۋنۋستىڭ بۇل ارەكەتى شىمبايلارىنا باتقان ەكى قىلمىسكەر ونى بايلاپ، ارى قاراي ادام جوق جەرگە اپارىپ سول جەردە ولتىرگەن.

 و.ق وبلىسىنىڭ مامانداندىرىلعان اۋدانارالىق سوتىنىڭ شەشىمىمەن كامالوۆ پەن شايزاكوۆ   كوپتەگەن اۋىر قىلمىستار بويىنشا جازاعا تارتىلدى: ادام ۇرلاۋ، بۇزاقىلىق، قاساقانا ءولتىرۋ فاكتلەرى بويىنشا 20 جىلعا باس بوستاندىعىنان ايىرىلدى.

سوتتالۋشى ەكەۋى دە وبلىستىق سوتقا اپەللياسيالىق شاعىم قالدىردى. ايتۋلارىنشا، قاساقانا ولتىرۋگە ەشقانداي قاسكويلىك نيەتتەرى بولماعان. وسى نەگىزدە جازانى جەڭىلدەتۋدى سۇراعان.

–قالا ىشىندە بولعاندا ءبىز بىرنەشە جەرگە باردىق. اقشامىز از بولعاندىقتان، تاكسيستپەن كەلىسپەكشى بولعانبىز. الايدا ول ءبىز قالاعان سومماعا ءبىزدى جەتكىزبەيتىنىن ايتقاندا، ونىڭ كولىگىن ۇرلاماقشى بولدىق. ول بولسا بىزگە قاسارىسىپ، قارسى ارەكەت جاساپ، توبەلەسكە تۇسكەندە قانىمىز باسىمىزعا شاۋىپ نە ىستەرىمزىدى بەلمەدىك- دەپ اقتالدى ايىپتالۋشىلار.

الايدا اپەللياسيالىق سوت ولاردىڭ شاعىمدارىن قابىلداۋدى نەگىزسىز دەپ ەسەپتەدى، ۇكىم زاڭدى نەگىزدە جۇزەگە استى.

اۋدارعان: نازەركە مۇسا