ارحەولوگيا دەگەندە كوز الدىمىزعا مۇرتى سالبىراپ، جەر قازىپ جۇرگەن ەر كىسىلەر ەلەستەيدى. جەر قازۋ – ارحەولوگ-عالىمداردىڭ باستى جۇمىسى. جۇمىستىڭ ناتيجەسى سول قازىلعان دۇنيەدە جاتىر. جەر استىنان تابىلعان دۇنيەلەر الەمدى ءدۇر سىلكىندىرۋى مۇمكىن. ەندى، نازارلارىڭىزعا شەتەل ارحەولوگتارىنىڭ ەڭ جان تۇرشىگەرلىك، ءارى جۇمباق تابىستارىن ۇسىنباقپىز.

كوبىنە ارحەولوگتار ادامداردىڭ سۇيەگىن تاۋىپ جاتادى. ول سۇيەكتەر باعزى زاماندارداعى قۇپيالاردىڭ اشىلۋىنا سەپتىگىن تيگىزەدى. سونداي تابىستاردىڭ ءبىرى – مىسىرداعى تەپل ەل-دابا سارايىنىڭ ماڭىنداعى تابىلعان ادام سۇيەگى. ءبىر قىزىعى، سۇيەكتەردىڭ بارىندە وڭ قول بولعان جوق. كەيىننەن سول وڭ قولداردىڭ باسقا جەرگە كومىلگەنى انىقتالدى. عالىمداردىڭ انىقتاۋىنشا، سۇيەكتەر اسكەري ادامدارعا تيەسىلى. ال، قولدارىن ماراپات الۋ ماقساتىندا كەسىپ العان ەكەن.

ارحەولوگتاردىڭ كەلەسى ءبىر جانتۇرشىگەرلىك تابىسى – لبيۋليالياكو جانارتاۋىنىڭ ماڭىنان تابىلعان مۇزداتىلعان بالالار دەنەسى. قۇدايعا قۇلشىلىق جاساۋ ماقساتىندا بالالاردى تاۋدىڭ شىڭىنا اتا-انالارىنىڭ وزدەرى جىبەرگەن كورىنەدى. بالالاردىڭ شاشتارىنان الىنعان تالداۋ ناتيجەسىندە قۇدايعا قۇلشىلىق جاساۋ ءراسىمى ءبىر جىلعا سوزىلعانى انىقتالدى. ايتا كەتەيىك، مۇزداتىلعان بالالاردىڭ شاشتارى مەن تەرى قابىقتارى وتە جاقسى ساقتالعان.   

شوتلانديا ماڭىنان 3000 جىل بۇرىن كومىلگەن ەر ادامدىر مەن ايەلدەردىڭ سۇيەگى تابىلدى. عالىمدار ءار سۇيەكتىڭ ءار ءتۇرلى بەينەدە ەكەندىگىن ايتىپ، تاڭدانىستارىن جەتكىزدى. 6 ءتۇرلى ادامعا تيەسىلى سۇيەكتەر مۋمياعا اينالدىرۋ پروسەسىنەن وتكەندىگى انىقتالدى، سول ءۇشىن ولاردى مۇقيات قاداعالاعان ەكەن. ال، ونىڭ سەبەبى ازىرگە بەلگىسىز.

ۇلىبريتانيادان 54 تەڭىز جاۋىنگەرلەرىنىڭ كومىلگەن جەرى تابىلدى. ءمايىتتى قازعاندا بارلىق سۇيەكتەر باسسىز بولىپ شىقتى، دەنەلەرى ءار جەرگە شاشىلعان. تالداۋ ناتيجەسى ناقتى دالەلدەنبەگەن بولسا دا، ارحەولوگتار ءولىم جازاسى كەسىلگەن جاۋىنگەرلەر ەكەنىن بولجادى. ال دەنەلەرىن ءار جەرگە جەرلەۋ باسقا جاۋىنگەرلەرگە ۇلگى بولسىن دەگەن ماقساتتا ىسكە اسىرىلعان.

دەرەككوز: newsbuzz