بۇگىنگى ەرلى-زايىپتىلار شاريعاتقا دا دۇرىس جۇگىنە المايدى، استاپىراللا! ەرى "قاتىن ءسويتۋ كەرەك ەكەن اكازيباتسا" دەسە، ايەلى "ەركەك ءبۇيتۋ كەرەك" دەپ شاپتىعادى. قۇددى، ولارعا ءدىني قۇندىلىق ءبىرىن-بىرى كەمسىتۋ، بىر-بىرىنە ايتقانىن ورىنداتۋ ءۇشىن عانا پايدا بولا قالعان ءتارىزدى...
ءداستۇرلى يسلامدا ەردىڭ دە، ايەلدىڭ دە مىندەت، پارىزدارى كوپ جازىلعان. وكىنىشكە قاراي، ايەلدەر ەرلەرگە قاتىستى وزدەرى ورىنداۋى ءتيىس پارىزدى نازارعا ىلمەي، تەك ايەلگە قاتىستى جاقسى جاعدايدى عانا وقيدى، كوشىرەدى، جۇرتقا تاراتادى. ەرلەر جاعى تاعى سولاي...
شىركىن-اي، سول حاديستەردەگى ءوز مىندەتتەرىن ەكى تاراپ تا ورىنداي السا عوي! سوندا الەم پەندەلەرىنىڭ باقىتتان باسى اينالىپ جۇرەر ەدى. وكىنىشكە قاراي، ەشقايسىسى ولاي ەتپەيدى. سەبەبى، ىشكى "مەنى" شايتان ۇيا سالعان ءناپسىسىن پارىز ورىنداۋعا جىبەرمەيدى. "جۇبىم ماعان تەك ءوز مىندەتتەرىن عانا ورىنداپ وتىرسا ەكەن" دەپ ارماندايدى. ەگەر ميىن ءسال ىسكە قوسىپ كورسە، ونداي جاقسىلىققا ءوزىنىڭ تۇك تە لايىق ەمەس ەكەنىن سەزەر ەدى. ءوزىنىڭ پارىزىن دا سەزىنەر ەدى!
جۇبىنان كەم بولمايمىن دەيتىندەر مىندەت، پارىز ورىنداۋ جاعىنان تەڭ بولسىن الدىمەن!
ەركەعالي بولات ۇلى
