بۇل ءيتتى باسپاناعا تاپسىرۋعا ءماجبۇر بولدى. ال باسپانا قىزمەتكەرلەرى ءيتتى قابىلداماسقا امالدارى قالمادى. سەبەبى، ءيتتىڭ دەنەسىندە 5 كەلىلىك ىسىك بولعان.

ءيتتى «ۆەمارانەر» اتتى مەكەمە ورتالىق اسىراپ العان ەكەن. دارىگەرلەر 1 جىل بويى ءيتتىڭ وسىنداي ۇلكەن ىسىكپەن ءومىر سۇرگەنىن  انىقتادى. ەرىكتىلەر بۇل جاعدايدى ەسكەرىپ، جاناشىرلىق تانىتىپ اسىراپ الۋعا بەل بۋادى.

ءيتتىڭ امان قالۋ مۇمكىندىگى از ەدى. نە وتا جاساۋ كەرەك بولدى، نە ۇيىقتاتۋ كەرەك بولدى. الايدا، ىسىك اسقىنعاندىقتان وتا جاساۋ ءقاۋىپتى بولدى. دارىگەرلەر قانداي شارا قولدانارلارىن بىلمەي دال بولدى.

ءيتتىڭ ءومىر سۇرگىسى كەلەتىنى ءبىلىنىپ تۇردى. تەكسەرىس بارىسىندا يت ورنىنان تۇرىپ، ومىرگە دەگەن قۇلشىنىسىن ءبىلدىرتتى.

اقىرى، مەيىرىمدى جانداردىڭ بىرلەسۋىمەن يتكە وتا جاسالدى. 5 كەلىگە تاتىعان ىسىكتى الىپ تاستايدى.

ءيتتىڭ لاقاپ اتى – گيلبرەت گرەيپ.

اۋىر سالماق تاسىپ جۇرۋگە بەيىمدەلىپ قالعان يتكە العاشىندا ءجۇرىپ-تۇرۋ قيىنعا سوقتى. قۋانىششقا وراي، گيلبەرت اۋرۋىنان تولىقتاي ايىقتى.