قوقىس كونتەينەرىندە جاڭا تۋىلعان نارەستە تابىلدى. ونى الماتى قالاسىنىڭ جوعارعى وقۋ ورىندارىنىڭ بىرىندە  جاتاقحانا جانىنان كەزدەيسوق ادام تاۋىپ العان. ال ىزدەستىرىلۋ ناتيجەسىندە تابىلعان بالا اناسى جانساقتاۋ بولىمىنە جەتكىزىلدى. بۇل تۋرالى «قامشى» پورتالى سaravan.kz-كە سىلتەمە جاساي وتىرىپ حابارلايدى.

ساعات تاڭعى 6 لار شاماسىندا ەر ادام  ءسابيدى قوقىستان  كورىپ قالعان. بالانى تاۋىپ العان ەر ادام بىردەن پوليسەي قىزمەتكەرلەرىنە حابارلاسىپ، جەدەل جاردەم شاقىرتقان. كىندىگى كەسىلمەگەن بالانى اۋرۋحاناعا جەتكىزگەنىمەن، ءومىرىن ساقتاپ قالۋ مۇمكىن بولمادى.

بالا بىرەر ساعاتتان سوڭ  كوز جۇمعان. پوليسەي قىزمەتكەرلەرى جاتاقحانا بولمەلەرىنىڭ بىرىندە ءسابي اناسىن تاپقان. ول 18 جاسار قىزىلوردا وبلىسىنىڭ تۇرعىنى، الماتى قالاسى جوعارعى وقۋ ورىندارى ءبىرىنىڭ 2-كۋرس ستۋدەنتى ەكەن.

مەديسيينالىق كومەككە مۇقتاج بولعان قىزدى جانساقتاۋ بولىمىنە جەتكىزگەن. جاس انانىڭ جاتاقحانا بولمەسىندە ءوزى جالعىز بوسانعاندىعى بەلگىلى بولىپ وتىر. قازىرگى ۋاقىتتا جاس قىزعا قاتىستى تەرگەۋ ارەكەتتەرى جۇرگىزىلۋدە.