70 جاسار باشقۇرتستان زەينەتكەرى 7 اي بويى قۇلاعىنا كىرگەن جاندىكپەن  ءومىر سۇرگەن. زەينەتكەر قۇلاعىنا كىرگەن قوسقۇيرىقتى دارىگەرلەر 2016 جىلدىڭ قىركۇيەگىنەن بەرى شىعارا الماي ءجۇر. بۇل تۋرالى «قامشى» پورتالى   life.ru-عا سىلتەمە جاساي وتىرىپ حابارلايدى.

   باشقۇرتستاننىڭ پريۋتوۆو اۋلىندا باقشادا جۇمىس ىستەپ جۇرگەن ۆلاديمير پەتروۆيچتىڭ قۇلاعىنا قوسقۇيرىق كىرىپ كەتەدى. زەينەتكەر سول ساتتە-اق جەدەل جاردەم شاقىرعان. كەلگەن حيرۋرگ بىر-ەكى ساعات بويى زەينەتكەر قۇلاعىنان جاندىكتى شىعارا الماعان.

قوسقۇيرىقتى ءارتۇرلى تاسىلدەرمەن: سۋ قۇيىلعان ينە شپريسىمەن دە، قىسقىش قۇرالدارىمەن دە شىعارۋعا تىرىسقان. الايدا، بارلىق جاسالعان تاسىلدەر ناتيجە بەرمەگەن.

ۆلاديمير پەتروۆيچتىڭ ايتۋىنا قاراعاندا، ول ءوز قۇلاعىنىڭ ىشىنە كىرگەن جاندىكتىڭ جىبىرلاعانىن، بارلىق قيمىل-قوزعالىسىن سەزگەن. تەك قانا كەلەسى كۇنى عانا زەينەتكەر قۇلاعىنا كىرگەن جاندىكتى گاز ارقىلى ءولتىرۋ مۇمكىن بولدى.

دارىگەر حيرۋرگ ۆلاديمير پەتروۆيچكە، قۇلاعىنىڭ ىشىنە كىرىپ كەتكەن جاندىكتى شىعارۋعا  اۋماقتىق اۋراۋحانا قاۋقارى جوق ەكەنىن جەتكىزدى. سەبەبى، وتا جاسايتىن ميكروسكوپ جوق دەيدى.

زەينەتكەرگە ۋفا قالاسىنداعى رەسپۋبليكالىق اۋرۋحاناعا بارۋعا باعىتتاعان. الايدا، رەسپۋبليكالىق اۋرۋحانا ارنايى رۇقساتسىز ونى قابىلداۋدان باس تارتىپ وتىر.

  زەينەتكەر جەكە مەنشىك اۋرۋحانادان تولىق ساراپتامادان، تەكسەرىستەن وتكەن كەزدە، ونىڭ قۇلاعىندا ءشىرىپ بارا جاتقان دەنە بار ەكەنى انىقتالعان. كلينيكا قىزمەتكەرلەرى ەگەر ءولى جاندىكتى الىپ تاستاماسا، زەينەتكەر قۇلاعىنىڭ زاقىمدالاتىنى، ناتيجەسىندە ول تەپە-تەڭدىك ساقتاي الماي قالاتىن دارەجەگە جەتۋى مۇمكىن دەيدى.

   قازىرگى ۋاقىتتا ۆلاديمير پەتروۆيچ قۇلاعىنداعى قوسقۇيرىقپەن ءومىر ءسۇرىپ جاتىر. اۋداندىق اۋرۋحانا وتا جاساۋعا قاۋقارسىزدىقتارىن جەتكىزسە، رەسپۋبليكالىق اۋرۋحانا مۇلدەم وتا جاساۋدان قاشىپ وتىر. ال زەينەتكەردىڭ ۋاقىت وتە كەلە، ەستۋ قابىلەتى ناشارلاپ جاتىر. بۇگىندە وڭ قۇلاعى مۇلدە ەستىمەيتىن حالگە جەتتى.