ءۇرىمشى قالاسىنىڭ تۇرعىنى ءوز قالىڭدىعىنا 160 مىڭ دوللارعا پاتەر الۋدىڭ ورنىنا 33 توننالىق تاس سىيلاعان. بۇل تۋرالى «قامشى» پورتالى Lenta.ru-عا سىلتەمە جاساپ حابارلايدى.
ليۋ فەي ءوزىنىڭ قالىڭدىعى ۆان فانفانعا پاتەر ساتىپ الىپ بەرەمىن دەپ ۋادە بەرگەن. 14 ناۋرىز كۇنى ءوزى ۋادە ەتكەن پاتەرىنىڭ ورنىنا كوللەكسيا جيناۋشىدان تاس ساتىپ العان. ساتۋشى بۇل تاستى مەتەوريت دەپ سەندىرگەن. قالىڭدىعىن تاڭقالدىرماقشى بولعان قىتايلىق ازامات سىيلىعىن 1 ميلليونعا(160 مىڭ دوللار) ساتىپ العان.
فەي تاس بەتىن قىزىل ماتامەن جاۋىپ، ونىڭ ۇستىنە گۇل جاپىراقتارىن سەۋىپ داستارحان جايعان. قالىڭدىعىن، دوستارىن شاقىرىپ سۇيىكتىسىنە ۇسىنىس جاساعان. سۇيىكتىسى ۇسىنىسقا كەلىسكەنىمەن، قاتتى تاڭقالا قويماعان. ءتىپتى، ءوزىنىڭ ءالى تۇرمىسقا شىققىسى كەلمەگەنىن جەتكىزگەن.
