اۆستراليالىق كومپانيانىڭ اۋەرەيسىندە جولاۋشى قۇلاعىنداعى قۇلاققاپ جارىلدى. بۇل تۋرالى «قامشى» پورتالى caravan.kz-كە سىلتەمە جاساي وتىرا حابارلايدى. پەكيننەن مەلبۋرنعا ۇشقان جولاۋشى قىز قۇلاققابى جارىلىپ بەتى كۇيىپ قالعان. ۇشاق اۋەگە كوتەرىلگەننەن سوڭ 2 ساعاتتان كەيىن جولاۋشى ولەڭ تىڭداپ ۇيىقتاپ قالعان. قۇلاعىنداعى قۇلاققاپ ارنايى قۋاتتاندىرعىشتارمەن جۇمىس ىستەيتىن كورىنەدى.
بۇل وقيعا 19 اقپاندا ورىن العان. الايدا تەك ءقازىر بەلگىلى بولىپ وتىر. اۆستراليالىق كولىك قاۋىپسىزدىگىمەن اينالىساتىن ۇيىمدار جولاۋشىلارعا اباي بولۋلارىن ەسكەرتتى. اسىرەسە، قۋاتتالاتىن قۇلاققاپتاردى ۇشاقتا قولدانۋعا تىيىم سالىندى.
جاپا شەگۋشى قىزدىڭ ايتۋىنشا قۇلاققابى جارىلعان ۋاقىتتا قۇلاعىنا تارس ەتكەن دىبىس ەسىتىلىپ، بەتى مەن مويىن اينالاسى اشىپ كەتەن. قۇلاققاپتى جەرگە لاقتىرعاندا ولاردىڭ جانىپ تۇرعانىن كورگەن. اۋەۇشاعى زارداپ شەككەن جولاۋشىعا العاشقى جاردەمىن كورسەتتى.
