قورعانىس ءمينيسترىنىڭ ورىنباسارى رەسەيدىڭ ەمبى پوليگونى تەرريتورياسىندا قانداي سىناقتار جۇرگىزگەنىن ايتىپ بەردى، - دەپ حابارلايدى Tengrinews.kz.

سەناتور مۇراتباي جولداسبايەۆ پارلامەنت پالاتاسىنىڭ وتىرىسىندا قورعانىس ءمينيسترىنىڭ ورىنباسارىنان ەمدى سىناق پوليگونىندا قانداي قارۋ تۇرلەرىنىڭ قولدانىلعانىن سۇرادى. "حيميالىق نەمەسە بيولوگيالىق قارۋ تۇرلەرى قولدانىلدى ما؟ قانداي دا ءبىر ەكولوگيالىق نەمەسە توپىراق-حيميالىق ساراپتاما جۇرگىزىلدى مە؟ بۇل سۇراقتى جەرىمىزدىڭ قانداي جاعدايدا قايتارىلىپ جاتقانىن ءتۇسىنۋ ءۇشىن قويىپ وتىرمىن"، - دەدى دەپۋتات.

ءمينيستردىڭ ورىنباسارى پوليگوننىڭ 1960 جىلى زەرتتەۋ جۇمىستارىن، جاتتىعۋلاردى جۇرگىزۋ ءۇشىن قۇرىلعانىن ايتتى.  "نەگىزىندە ول جاقتا قۇرلىق اسكەرىنىڭ اۋە شابۋىلا قارسى قارۋى قودلانىلدى. بارلىق راكەتا وتىنمەن اتىلادى، باسقا قارۋلارعا قاراعاندا مۇنىڭ تابيعاتقا زيانى جوق. سونىمەن قاتار، وتكەن جىلى ءبىز اكىمدىكپەن بىرگە زەرتتەۋ جۇرگىزدىك، توپىراعىن تەكسەردىك. زەرتحانا ساراپتاماسىنىڭ قورىتىندىسىندا نورمادان اساتىن جاعداي بولمادى"، - دەپ حابارلادى وقاس ساپاروۆ. سەنات دەپۋتاتى يكرام ادىربەكوۆتىڭ ايتۋىنشا، قازاقستان پرەزيدەنتى پوليگوندار سانىن ازايتۋدى تاپسىرعان.  "وسىعان بايلانىستى 2014-2016 جىلدار ارالىعىندا قاراعاندىدا، اتىراۋدا، قىزىلوردادا، اقتاۋدا جانە باتىس قازاقستان وبلىسىندا، سارىشاعان پوليگونىندا، شۋدا قىسقارتىلىپ، 1،5 ميلليون گەكتار جەر بەرىلگەن. بۇعان دەپۋتاتتارىمىزدىڭ ىقپالى بولعانىن بىلەمىز. وسىعان بايلانىستى ءبىزدىڭ قوعامدا ءتۇرلى دۇرلىگۋ پايدا بولدى. ءقازىر تىنىشتالدى"، - دەدى سەناتور ادىربەكوۆ.