«قاسيەتتى گانگ وزەنى» دەگەندى ەستىگەندە ءبارىمىزدىڭ ويىمىزعا ءبىرىنشى كەزەكتە قاسيەتتى مەكەن، قۇلشىلىق، ۇندىلەردىڭ قۇدايلار دەپ جۇرگەن پۇتتارى كەلەدى.

گانگ وزەنى – وڭتۇستىك ازياداعى ەڭ ۇزىن وزەندەردىڭ ءبىرى. كەي اڭىزداردا بۇل وزەن جەرگە تۇسكەن اسپان وزەنى دەگەن اقپاراتتار كەزدەسەدى.

اڭىزعا سۇيەنسەك، بىردە بحاراتا پاتشا ءوزىنىڭ قايتىس بولعان بابالارىنىڭ سۇيەگىن تازارتۋ ءۇشىن قۇدايدان سۋ سۇراپتى. قاتتى اعىستى سۋ جەردەگى ءتىرى ادامداردى شايىپ كەتپەس ءۇشىن شيۆا-قۇداي سۋعا باسىن ءيىپتى، سودان ول سۋ وزەن بولىپ، شيۆانىڭ ۇزىن شاشىن بويلاي اعا باستادى.

سول ءۇشىن ءۇندى حالقى گانگ وزەنىن قاسيەتتى دەپ سانايدى. وزەنگە جۋىنسا، كۇنالارىمىزدان تازارامىز دەپ سەنەدى. ال ولگەن ادامداردى وسى وزەنگە اعىزادى ەكەن. بايلار ءمايىتتى ورتەپ، كۇلىن اعىزسا، كەدەيلەر ورتەمەي-اق ءمايىتتىڭ ءوزىن اعىزا سالاتىن كورىنەدى.

سوندا، كۇنادان ارىلامىز، جانىمىزدى تازارتامىز دەگەن ۇندىلەر وزەنگە جۋىنامىن دەپ كەرىسىنشە دەنەلەرىن لاستايدى.

ونىڭ ۇستىنە، جاي عانا قۇلشىلىق ءۇشىن جۋىنسا جاقسى عوي، جوق، ودان بولەك تىستەرىن تازالايدى، كيىمدەرىن جۋادى، جەمىس-جيدەكتەرىن تازالايدى. سيىرلارى وزەن ماڭىندا جايىلىپ جۇرەدى.

سوعان قاراماستان، ءۇندىستانعا تۋريستەر كوپ كەلەدى. شىندىققا كوز جەتىكىزىپ، كوڭىلدەرى قالاتىندار دا جوق ەمەس.

ءۇندى بيلىگىن دە بۇل جاعداي الاڭداتاتىن كورىنەدى. 15 جىلدان بەرى وزەندى تازالاۋ جۇمىستارى جۇرگىزىلىپ كەلدەى. ءبىراق، ناتيجەسى بايقالا قويمادى

ادامداردىڭ مايىتىنە تولى وزەندە شىندىقتى بىلە تۇرا قاسيەتتى راسىمدەرىن وتكىزەتىن ۇندىلىكتەردىڭ نانىم-سەنىمدەرى جاعا ۇستاتارلىق ەمەي نەمەنە؟ ءۇندى سەريالدارىن تاماشالاپ، «كەلىنىن» ءوز كەلىندەي جاقسى كورەتىن قانشاما اتا-اجەلەرىمىز، اعا-اپكەلەرىمىز بار. فيلمدەرىنەن قۇلشىلىق جاساعان ءتۇرلى داستۇرلەرىنە قاراپ ۇندىلەردى ناعىز ءدىني حالىق دەپ ساناپ، سۇيسىنە قارايتىندار دا جوق ەمەس. ال ولاردىڭ ناعىز شىندىعى وسىنداي بولىپ شىقتى.