سامات ابدىشەيح ەسىمدى بانگلادەشتىڭ 60 جاستاعى تۇرعىنىن جەرلەستەرى «اعاش سامات» اتاپ كەتكەن. كۇندە ءبىر تال ەككەنى ءۇشىن. ول جارتى عاسىرعا جۋىق، دالىرەگى، 48 جىل بويى كۇنىنە ءبىر تالدان ەگىپ وتىرعان. ساماتتىڭ ءوزى ريكشا بولىپ جۇمىس ىستەيدى، ياعني، ءناپاقاسىن ادام تاسۋمەن تاۋىپ ءجۇر. سونداعى بار تاپقانى – كۇنىنە 1 ەۆرو.

ونىڭ ءبىر دەرتى بار – تۇندە كوز ىلە المايدى. تالاي جىلدان بەرى كورەر تاڭدى كوزبەن اتىرىپ كەلەدى. ياعني، ۇيقىسىزدىقتان ازاپ شەگىپ كەلەدى. ول باستاپقىدا ەكى قولىن الدىنا سىيدىرا المايدى، قۇر قاراپ وتىرماي تال ەگۋدى ادەتىنە اينالدىرادى. ءوزىنىڭ ەسەبى بويىنشا، جاڭىلىسپاسا، وسى ۋاقىتقا دەيىن 17 532 اعاش وتىرعىزعان. ول تالدى مەملەكەت مەنشىگىندەگى جەرگە ەگۋگە تىرىسادى. ويتكەنى، اعاشتى كەسىپ الۋعا مەملەكەتتىڭ كارىنەن جاسقانىپ، ەشكىمنىڭ باتىلى بارمايدى.

«مەن تەك ەگىپ قانا قويماي، ولاردى سۋعارىپ، وسكەنشە قاداعالايمىن. مەن تابيعاتتى، سونىڭ ىشىندە، تالدى قاتتى جاقسى كورەمىن» دەر ەدى ءوزى تۋراسىندا ول. ونىڭ ايتۋىنشا، بۇل – ءوز وتانىنا پايداسىن تيگىزگىسى كەلەتىن وسى زامانعى ادامنىڭ بەينەسى.