ديماش قۇدايبەرگەن I am a singer بايقاۋىنىڭ ونىنشى كەزەڭىندە و.بايسەڭگىردىڭ سوزىنە جازىلعان «ۇمىتىلماس كۇن» ءانىن ورىنداپ، ءۇشىنشى ورىن الدى. وسىلايشا فينالعا وتكەن، دەپ حابارلايدى qamshy.kz.
ديماشپەن بىرگە قىتايلىق ءانشى لين يليان جانە قىتايلىق «ارىستان» توبى اقتىق كەزەڭگە ءوتتى.
وتانداسىمىز بايقاۋدىڭ ءار كەزەڭىنەن الدىڭعى قاتارلاردا كورىنىپ، قازاقتىڭ رۋحىن اسقاقاتاتا ءتۇستى. ەسكە سالا كەتەيىك، توعىزىنشى كەزەڭدە ول «All by Myself» ءانىن شىرقاپ، ەكىنشى ورىننان كورىنگەن.
ديماش ونەر كورسەتىپ جاتقان دودانىڭ 9-كەزەڭى ەرتەڭ، ياعني 18 ناۋرىزدا جۇڭگو تەلەارناسىنان كورسەتىلەدى. قازاقستاندىقتار عالامتوردان تاماشالاي الادى. ال 10-كەزەڭدى 25 ناۋرىزدا كورەتىن بولامىز.
وتانداسىمىزعا تەك ساتتىلىك تىلەيمىز!
