ديماش قۇدايبەرگەن قىتايدىڭ Weibo ارناسىنا سۇحبات بەردى. قىتايدىڭ I am singer بايقاۋىنىڭ ءار كەزەڭىنەن سۇرىنبەي ءوتىپ، فينالعا وتكەن وتانداسىمىز بۇگىندە بارشا الەمگە تانىمال جۇلدىزعا اينالدى. سۇحبات بارىسىندا I am singer بايقاۋىنا قالاي دايىندالعانى، اندەردى ورىنداۋدا نەگە باسا ءمان بەرگەنىن ايتتى.

«جۇڭگو ءتىلىن بىلەتىن ادامدار ءۇشىن ءار ءسوزدىڭ ماعىناسى بار بولسا، مەن ءاننىڭ تولىقتاي ماعىناسىن بىلسەم دە، ءار ءسوزدىڭ ماعىناسىن جەتە تۇسنبەيمىن» دەپ جۇڭگو ءتىلىن ۇيرەنۋ كەرەك ەكەنىن ايتتى.

ەسكە سالا كەتەيىك، بايقاۋدىڭ 8-كەزەڭىندە ديماش حان حۋننىڭ «تاڭ اتتى» ءانىن تاماعى اۋرىپ تۇرعانىنا قاراماستان، جوعارى دەڭگەيدە ورىنداپ شىققان بولاتىن. وعان بارشا كورەرمەن كۋا. بۇل جايىندا دا ءوز پىكىرىن ءبىلدىردى:

«دەنساۋلىعىما الاڭداپ جاتقان جانكۇيەرلەرىمە العىسىم شەكسىز. ساحناعا شىعار الدىندا ارنايى ەكپە جاساتتىم. ول ەكپەنىڭ كۇشى 10 ساعاتقا عانا اسەر ەتەدى. الايدا، اۋىرىپ تۇرسام دا فونوگراممامەن ءان ايتقىم كەلمەيدى. حالىقتىڭ الدىندا بارىنشا شىن بەينەمدى كورسەتكىم كەلەدى»، - دەدى ديماش سۇحبات بارىسىندا.