اللانىڭ قۇدىرەتتىلىگندە ءشۇبا جوق. پولشانىڭ ۆروسلاۆ قالاسىنداعى اۋرۋحانادا اناسى 55 كۇن بۇرىن قايتىس بولعان ءسابي تۋىلدى. بۇل تۋرالى tengrinews.kz جاڭالىقتار قىزمەتى  GAZETA WROCŁAWSKA سايتىنا سىلتەمە جاساي وتىرىپ حابارلادى. "ءسابيدى دارىگەرلەر ىشتەن جارىپ الدى. بۇل - بۇگىنگى تاڭداعى تەحنولوگيانىڭ ارقاسىندا مۇمكىن بولىپ وتىرعان عاجايىپ"، - دەيدى جەرگىلىكتى دارىگەرلەر. باسىلىمنىڭ مالىمەتىنشە، 41 جاستاعى جۇكتى ايەلدىڭ مي وبىرىمەن اۋىرعان. جۇكتىلىگىنىڭ 17ء-شى اپتاسىندا ونىڭ دەنساۋلىق جاعدايى كۇرت ناشارلاپ، اۋرۋحاناعا تۇسكەن ەدى. كەيىن ونىڭ ميىنىڭ ءولىمى تىركەلدى. ونى قۇتقارۋ مۇمكىن بولماعان. الايدا ناۋقاستىڭ جۇرەگى سوعىپ تۇرعاندىقتان، دارىگەرلەر ءسابيدىڭ ومىرىنە اراشا ءتۇسۋدى ويلايدى.   

ماماندار ەكى ايعا جۋىق ۋاقىت بويى اناسىنىڭ اعزاسىنىڭ ومىرلىك ماڭىزى بار فۋنكسيالارىن باقىلاپ وتىردى. "ءبىز مۇندايدى ادەتتە بىر-ەكى كۇن بويى عانا جاسايمىز، ءبىراق ءدال وسى جاعدايدا ەش تاجىريبەمىز بولماسا دا بىرنەشە اپتاعا دەيىن ءومىرىن سوزۋ كەرەك بولدى"، - دەيدى انەستەزيولوگيا جانە ينتەنسيۆ تەراپيا كافەدراسىنىڭ مەڭگەرۋشىسى اندجەي كيۋبلەر.

ءسويتىپ، ءسابي ءبىر كەلى سالماق بولىپ تۋىلدى. ءسابيدى تۋىستارىنا تەك ەكى ايدان كەيىن بەرۋ مۇمكىن بولىپتى. ونىڭ دەنساۋلىعى جاقسى. قازىرگى ۋاقىتتا ونى اكەسى باعىپ وتىر.