2015 جىلدىڭ جەلتوقسانىندا 15 جاستاعى انورەكسياعا شالدىققان پيپپا ماكمانۋس وز-وزىنە قول جۇمساعان. مۇنداي قادامعا بارماس بۇرىن قىز حات قالدىرىپ كەتىپتى. حاتىندا «مەن بارىنشا كۇرەسۋگە تىرىستىم، ءبىراق انورەكسيا مەننەن مىقتىراق بولىپ شىقتى» دەپ جازىلعان.

12 جاسىندا پيپپا ءوزىنىڭ سالماعىنىڭ اۋىرلىعىنا الاڭداي باستايدى. ول وزگە بالالار سەكىلدى كۇن كەشىپ جۇرگەن: تەلەديدار قارايدى، كومپيۋتەرمەن ويىندار وينايدى، ءتۇرلى باعدارلامالاردى قارايدى. وزىنە قاتتى ۇناعان باعدارلامالاردىڭ ءبىرى – «ناعىز ايەل قانداي بولۋى كەرەك؟» ەدى.

ءسويتىپ، ءوزىنىڭ يەگىنىڭ تولىقتىعىنا كوڭىلى تولمايتىن بولىپ شىقتى، بۇل «ماسەلەمەن» كۇرەسۋدىڭ جولىن دا ىزدەستىرىپ باقتى.

ۋاقىت وتە كەلە، قىزدىڭ اتا-اناسى ونىڭ تىم جۇدەپ كەتكەنىن بايقايدى. ءسويتىپ، 2015 جىلى روجدەستۆو كەزىندە، قىز ەسىنەن تانىپ قالادى. اۋرۋحاناعا جەتكىزىلگەندە، سالماعىنىڭ نەبارى 27 كەلى بولعانى انىقتالادى. قىز انورەكسيا اۋرۋىنا شالدىققان، تاماققا دەگەن تابەتى بۇزىلىپ، جۇدەپ كەتۋىنە اكەلىپ سوققان.

بۇل جاعدايدان سوڭ قىز دۇرىس تاماقتانۋ جۇيەسىنىڭ بۇزىلۋىمەن كۇرەسەتىن اۋرۋحاناعا جاتادى. بىردە، ءتىرى ولىككە اينالعان پيپپا بولمەدەن قانعا بويالعان پىشاق پەن حات ۇستاعان كۇيى تابىلادى.

الايدا، قىز امان قالادى. اتا-اناسى اۋرۋحانانىڭ كەرى اسەر ەتىپ جاتقانىن بايقاپ، قىزدارىن ۇيلەرىنە الىپ كەتەدى. ەكى كۇننەن سوڭ ۇيگە پوليسەي كەلىپ، قىزدارىنىڭ پويىز استىنا ءتۇسىپ، قايتىس بولعانىن حابارلايدى.

مۇنى بىلگەن وتباسى مۇشەلەرى ەستەرىنەن تانىپ قالادى. ءبىراق  وزدەرىن قولعا العان اتا-انا قىزدارىنىڭ قايتىپ كەلمەسىن ءبىلىپ، ەڭ بولماعاندا وزگە قىزداردىڭ دەنساۋلىعى، ءومىرى ءۇشىن «دۇرىس تاماقتانباۋ جۇيەسىمەن كۇرەس» اتتى قايىرىمدىلىق قورىن اشادى.   

اتا-انانىڭ بۇل قادامى، پيپپانىڭ وقيعاسى ءدال وسىنداي سوراقىلىقتىڭ الدىن الاتىنداي وزگە قىزدارعا ۇلكەن ساباق بولدى. بىرنەشە قىزدىڭ ءومىرىن قۇتقارىپ قالدى.

شولۋشى: گۇلىم جاقان