تەحاس شاتاتىنىڭ تومبولا ايماعىندا 10 جاستاعى درەيك مەدينگەردىڭ قاتەرلى ىسىك اۋرۋىنان كوز جۇمار الدىنداعى سۋرەتتەرى كەز كەلگەن ادامعا ءومىردىڭ ءمانىن تۇسىنۋگە اسەر ەتەتىنى ءسوزسىز دەپ جازادى قامشى اقپاراتتىق اگەنتتىگى.
بالانىڭ اناسى دجەسسيكا مەدينگەر اۋرۋعا شالدىققان ۇلىنىڭ سۋرەتتەرىن جەلىگە جۇكتەپ، جانىنا جان تەبىرەنتەر اسەرلى سوزدەر جازعان.
«بۇل جاعداي درەيكتى جۋىندىرۋعا اپارا جاتقاندا بولدى. جايالىق كيگەن سەبەبى دە سول اۋرۋدان ەدى. 75 % ول ءوزىنىڭ ءزار شىعارۋىنا جاۋاپ بەرە المايدى. ازىپ-توزىپ سۇيەگى عانا قالدى. مەن ونى تىم قۇرىعاندا ءبىر قاسىق اس ىشكىزۋگە كوندىرۋمەن بولامىن. كۇنىنە ءبىر ستاقان سۋ ءىشۋى ءۇشىن بارىمدى سالامىن. تۇندە ول مەنىڭ جانىمدا ۇيىقتايدى. ونىڭ دا سەبەبى بار. ول جالعىزدىقتا جان تاپسىرۋدان قورقادى. مەنىڭ ۇنەمى جانىندا بولعانىمدى قالايدى».
2012 جىلى درەيككە اققان اۋرۋىنىڭ دياگنوزى قويىلدى. 2016 جىلى درەيكتىڭ وتباسى اۋرۋدى جەڭدىك دەپ ويلادى. الايدا اۋرۋى قايتادان اسقىنا باستادى.
درەيك مەدينگەردىڭ جۋىناتىن بولمەدە تۇسىرىلگەن سۋرەتىن 80 مىڭ جەلى قولدانشىلارى جەكە پاراقشالارى مەن ءتۇرلى توپتارعا بولىسكەن بولاتىن.
قاتەرلى ىسىك اۋرۋىنا قارسى Love What Matters اتالاتىن شەتەلدىك ۇيىم بالانىڭ وقيعاسىن كورىپ، اكسيا باستادى. اكسيا اياسىندا كەز كەلگەن ادام 10 جاستاعى درەيكتى قولداپ حات جىبەرە الادى.
حاتقا اناسىنىڭ مىقتى بولۋعا شاقىراتىن سوزدەرىن جازىپ قالدىرعاندار دا بولدى.
«قاتەرلى ىسىككە شالدىققان كەز كەلگەن ناۋقاس حيميالىق ەم قابىلدايتىنى بەلگىلى. مەن جۇكتەپ وتىرعان سۋرەت بۇگىن تاڭەرتەڭ ءتۇسىرىلدى. «جايالىقتا تۇرعان سۋرەتىن نەگە جۇكتەيسىڭ؟» دەپ سان ساۋالدىڭ استىنا الماس بۇرىن مەن جاۋاپ بەرەيىن:
- ول سۋرەتتە ۇلىم ادەتتەگى ىشكيىممەن كولەمى بىردەي جايالىقتا تۇر.
- ەكىنشىدەن، ءومىر بارلىعىنا كۇلىپ قاراي بەرمەيدى. ال راك اۋرۋى ادامنىڭ دەنە بىتىمىنە زيان كەلتىرەتىنى بەلگىلى.
كۇن وتكەن سايىن ۋاقىت تالعاماي، ءتىپتى، ءتۇننىڭ ورتاسىندا تۇرىپ: «ماما، مەن ولگەن سوڭ اسپانعا تاپ بولامىن. ول جاقتان اكەمدى كورىپ، ونىمەن ويناي الامىن با؟» دەگەن سۇراقتار قويۋدا.
راك- توسەگىڭنەن تۇرىپ، كەرەك جەرىڭە بارۋ دا قيىندىق تۋدىراتىن اۋرۋ.
اسقازانىندا ەشتەمە بولماعان سوڭ بەرگەن دارىلەردى لاقتىرعاندا ەت جۇرەگىڭ ەزىلىپ، كوزىڭە ەرىكسىز جاس كەلەدى.
ءبىر قاسىق اس ىشكىزۋ ءۇشىن سان ءتۇرلى امال ويلاپ تاۋىپ وتىراسىڭ.
اۋرى دەنەسىنە قول تيگىزبەستەي حالگە جەتكەندە، اۋرۋدى باساتىن ءدارى قولدانۋعا تۋرا كەلەدى.
11 جاسقا تولماي دۇنيەدەن وتۋدەن قورقامىن دەپ ءتىل قاتقاندا، سەن كۇرەسپەسەڭ دە مەن كۇرەەمىن دەپ كۇش بەرۋمەن بولدىم.
درەيك – مەنىڭ الەمىم. درەيككە اياعىم اۋىرلاعانىن بىلگەننەن سوڭعى ساتكە دەيىن ول مەنىڭ بار ءومىرىمنىڭ ءمانى بولدى. ول – مەنىڭ كۇلكىم، مەنىڭ ماحابباتىم، مەنىڭ جۇرەگىمنىڭ سوعىسى. ول مەنىڭ كوز جاسىم مەن مەنىڭ جۇرەك اۋرۋىم، مەنىڭ قايعىم».
انانىڭ بالاعا دەگەن تەڭدەسسىز ماحابباتى شەكسىزدىكپەن پارا-پار. اق ءسۇتىن بەرىپ، ايالاپ وسىرگەن انانىڭ جان ايقايى قانشاما جۇرەكتى تەبىرەنتىپ، قانشاما ادامعا وي سالعانى ءسوزسىز.
دايىنداعان: ايگەرىم تاۋباي
پىكىر قالدىرۋ