شاكەن ايمانوۆ اتىنداعى «قازاقفيلم» كينوستۋدياسىندا ورنالاسقان «قازاق حاندىعى» كوپ سەريالى تاريحي تۋىندىسىنىڭ تۇسىرىلىمدەرى ءۇشىن ارنايى تۇرعىزىلعان «سىعاناق قالاسى» دەكوراسياسىندا رەجيسسەر رۇستەم ءابدىراشتىڭ «الماس قىلىش» ءفيلمىنىڭ DVD ديسكىسىنىڭ تۇساۋكەسەرى ءوتتى، دەپ حابارلايدى Qamshy.kz اقپارات اگەنتتىگى «ءقازاقفيلمنىڭ» باسپا ءسوز قىزمەتىنە سىلتەمە جاساپ.

DVD ديسكىنىڭ تۇساۋكەسەر راسىمىنە ءفيلمنىڭ رەجيسسەرى، ق ر ەڭبەك سىڭىرگەن قايراتكەرى رۇستەم ءابدىراش، كارتينانىڭ باس پروديۋسەرى ارمان اسەنوۆ، «قازاقفيلم» كينوستۋدياسى مەن «مەلومان» كومپانياسىنىڭ وكىلدەرى، سونداي-اق ءتۇسىرىلىم توبى قاتىستى.

 «الماس قىلىش» ءفيلمىن كورە الماي قالعان جانە بۇل ءفيلمدى قايتا كورگىسى كەلەتىن كورەرمەندەردىڭ كوپتەگەن سۇرانىستارى بويىنشا، ءبىز «مەلومان» كومپانياسىمەن بىرلەسە وتىرىپ وسى ءفيلمنىڭ DVD ديسكىسىن شىعارىپ وتىرمىز. ديسكىدەن ءفيلمدى قازاق جانە ورىس تىلدەرىندە، سونىمەن قاتار اعىلشىن تىلىندەگى سۋبتيترلار ارقىلى كورۋگە بولادى»، - دەدى رەجيسسەر رۇستەم ءابدىراش.

تاريحي كينوتۋىندىنىڭ DVD نۇسقاسىن ەلىمىزدىڭ اۋماعىندا «مەلومان» دۇكەندەر جەلىسى ارقىلى ساتىپ الۋعا بولادى. باعاسى – 1295 تگ. سونداي-اق، استانا قالاسىندا وتكىزىلەتىن «ەۋرازيا» كينوفەستيۆالى شەڭبەرىندە دە بۇل ديسكتەر ساتىلادى.

«مەلومان» كومپانياسىنىڭ ۇلتتىق جوبالار دەپارتامەنتىنىڭ ديرەكتورى نيزامي مامەدوۆ قازاقتىڭ تاريحىنان سىر شەرتەتىن ءىرى تاريحي كينوجوبانىڭ DVD ديسكىسى EXPO-2017 حالىقارالىق كورمەسى جانە حالىقارالىق «ەۋرازيا» كينوفەستيۆالى قوناقتارى ءۇشىن جاقسى سىيلىق بولاتىنىن ايتتى.