2016 جىلدىڭ 1 ماۋسىمىنداعى مالىمەتپەن سالىستىرعاندا بيىل حالىق سانى 239،2 مىڭ ادامعا نەمەسە 1،3% ءوستى، دەپ جازادى Qamshy.kz اقپارات اگەنتتىگى. بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتى حابارلادى.

2017 جىلعى قاڭتار-مامىرداعى قازاقستان رەسپۋبليكاسىنىڭ دەموگرافيالىق احۋالى تۋرالى  مالىمەتتەر جاريا ەتىلدى.

مالىمەتتەرگە سايكەس، 1 ماۋسىمدا  ەلىمىزدەگى حالىق سانى 18 014،2 مىڭ ادامدى قۇرادى، سونىڭ ىشىندە قالالىقتار - 10 358،0 مىڭ (57،5%)، اۋىلدىقتار - 7 656،2 مىڭ ادامدى (42،5%). احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2017 جىلعى قاڭتار-مامىردا تۋعاندار سانى 155،4 مىڭ ادام، بۇل 2016 جىلعى اتالعان كەزەڭگە قاراعاندا 6،2% از. تۋۋدىڭ جالپى كوەففيسيەنتى 1 مىڭ ادامعا شاققاندا 20،83 سابيدەن كەلەدى.

2017 جىلعى قاڭتار-مامىردا رەسپۋبليكا حالقىنىڭ تابيعي ءوسىمى 2016 جىلعى قاڭتار-مامىرمەن سالىستىرعاندا 9،9 مىڭ ادامعا نەمەسە 9،1% از. تابيعي ءوسىمنىڭ جالپى كوەففيسيەنتى 1 مىڭ ادامعا شاققاندا 13،37 ادامدى قۇرادى.

2016 جىلعى قاڭتار-مامىرمەن سالىستىرعاندا 1 جاسقا دەيىنگى شەتىنەگەن نارەستە سانى 16،8% ازايدى.

كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2017 جىلعى قاڭتار-مامىردا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2016 جىلعى قاڭتار-مامىرمەن سالىستىرعاندا 36،3% كوبەيىپ، 7 204 ادامدى قۇرادى.

 ەلىمىزدەن كەتكەن كوشىپ-قونۋشىلاردىڭ تىركەلۋ سانى 4،0% كوبەيىپ، 10 975 ادامدى قۇرادى، كوشى-قوننىڭ ايىرىمى -3 771 ادام بولدى.

ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولۋدا.

تمد ەلدەرىنەن كەلگەندەردىڭ ۇلەسى 68،9%؛

تمد ەلدەرگە كەتكەندەردىڭ ۇلەسى 87،7% قۇرادى.

 ءوڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 34،0% كۇرادى. ءوڭىرارالىق كوشى-قوننىڭ وڭ ايىرىمى:

استانا قالاسى - 20 647 ادام؛

الماتى قالاسى - 9 698 ادام؛

اقمولا وبلىسى - 1459 ادام.