وڭتۇستىك كورەيا پروكۋراتۋراسى Samsung كومپانياسىنىڭ ەكس-پرەزيدەنتى، باسشىسى لي چجە ەندى 12 جىلعا باس بوستاندىعىنان ايىرۋدى سۇرادى، دەپ جازادى Qamshy.kz اقپارات اگەنتتىگى Associated Press پورتالىنا سىلتەمە جاساپ.

تەرگەۋ مالىمەتىنە سۇيەنسەك، Samsung مەملەكەتتىڭ بۇرىنعى پرەزيدەنتىنىڭ قۇربىسى چحۆە سۋن سيلمەن بايلانىسى بار كومپانياعا 43،3 ملرد. ۆون ($38 ملن.) اۋدارعان.

سوتتا پروكۋرور اتالمىش وقيعانىڭ وڭتۇستىك كورەيا بيلىگى مەن ءىرى كاسىپورىندارى اراسىنداعى «جايلى بايلانىستىڭ» ۇلگىسى ەكەنىن مالىمدەدى.

لي چجە ەن پرەزيدەنتتىڭ قۇربىسىمەن بايلانىسى جوق ەكەنىن ايتىپ اقتالعان. الايدا كومپانيا شوتىنا ءىرى كولەمدە قارجى اۋدارىلعانىن جاسىرمادى. تەك كومپانيا قورى پرەزيدەنتتىڭ قۇربىسىمەن بايلانىستى ەكەنىن بىلمەگەن.

ايتا كەتەيىك، Samsung باسشىسى 2017 جىلدىڭ اقپانىندا تۇتقىندالدى. 2016 جىلدىڭ قازانىندا شىن مانىسىندە مەملەكەتتى 60 جاستاعى باقسى، «ەنسەگە» ميستيكالىق سەكتاسىننىڭ جاقتاۋشىسى چحۆە سۋن سيل باسقارىپ وتىر دەگەن اقپار تارالعان. سونداي-اق، قارجىلىق الاياقتىق پەن مەملەكەت ساياساتىنا ارالاستى دەگەن ايىپتار تاعىلدى.