ءدىن ىستەرى جانە ازاماتتىق قوعام مينيسترلىگى 2017 جىلعى 1 قىركۇيەككە دەيىن ۇكىمەتتىك ەمەس ۇيىمدارىنا ارنالعان سىياقىنى بەرۋ ءۇشىن وتىنىمدەر قابىلدايدى، دەپ حابارلايدى Qamshy.kz اقپارات اگەنتتىگى ۆەدومستۆونىڭ باسپا ءسوز قىزمەتىنە سىلتەمە جاساپ.

سىياقىلار الەۋمەتتىك-ماڭىزدى جوبالاردى جۇزەگە اسىرۋدا ايتارلىقتاي ناتيجەگە قول جەتكىزگەن ۇكىمەتتىك ەمەس ۇيىمدارىنا بەرىلەدى.

ۇمىتكەرلەردى ىرىكتەۋدى قۇرامىنا سىياقىنى بەرۋ باعىتتارى بويىنشا ساراپشىلار، ۇەۇ باسشىلارى، قوعام قايراتكەرلەرى، ۋاكىلەتتى ورگاننىڭ، مەملەكەتتىك ورگانداردىڭ وكىلدەرى ەنەتىن بايقاۋ كوميسسياسى جۇزەگە اسىرادى.

سىياقىنىڭ مينيمالدى مولشەرى - 2000 (ەكى مىڭعا ەسەلەنگەن) رازمەر ايلىق ەسەپتىك كورسەتكىش (مرپ) كولەمى. ءبىر نوميناسيا بويىنشا سىياقى ءبىر نەمەسە ءبىر ۋاقىتتا بىرنەشە ۇمىتكەرگە بەرىلە الادى، مۇنداي جاعدايدا سىياقى جەڭىمپازدار اراسىندا تەڭ مولشەردە بولىنەدى.

سىياقىلار ۇەۇ-نىڭ ينستيتۋسيونالدىق دامۋىنا، ۇيىمنىڭ جارعىلىق ماقساتتارىنا، قىزمەتكەرلەردىڭ بىلىكتىلىگىن ارتتىرۋعا، ۇيىمنىڭ ماتەريالدىق بازاسىن ارتتىرۋعا باعىتتالاتىن بولادى.

بايقاۋعا قاتىسۋعا قازاقستان رەسپۋبليكاسىنىڭ اۋماعىندا تىركەلگەن بارلىق ۇكىمەتتىك ەمەس ۇيىمدارعا رۇقسات ەتىلەدى.

سىياقىنى الۋعا ۇكىمەتتىك ەمەس ۇيىمداردى ۇسىنۋدى ۇكىمەتتىك ەمەس ۇيىمنىڭ ءوزى، باسقا ۇكىمەتتىك ەمەس ۇيىمدار مەن مەملەكەتتىك ورگاندار جۇزەگە اسىرادى.

ءبىر ۇكىمەتتىك ەمەس ۇيىم سىياقىنى الۋعا ءبىر نوميناسيادان ارتىق  ۇسىنا المايدى. سىياقىنى الۋعا ءبىر ۇكىمەتتىك ەمەس ۇيىمداردى قاتارىنان ءۇش جىل ىشىندە قايتا ۇسىنۋعا جول بەرىلمەيدى.

سىياقىلار جىل سايىن الەۋمەتتىك-ماڭىزدى جوبالاردى جۇزەگە اسىرۋدا ايتارلىقتاي ناتيجەگە قول جەتكىزگەن ۇكىمەتتىك ەمەس ۇيىمدارىنا ون بەس نوميناسيا بويىنشا بەرىلەدى.

ايتا كەتەيىك، العاشقى سىياقى كەلەسى باعىتتار بويىنشا تاعايىندالادى: ءبىلىم بەرۋ، عىلىم، اقپارات، دەنە شىنىقتىرۋ جانە سپورت سالاسىنداعى ماقساتتارعا قول جەتكىزۋ؛ ازاماتتاردىڭ دەنساۋلىعىن ساقتاۋ، سالاۋاتتى ءومىر سالتىن ناسيحاتتاۋ؛ قورشاعان ورتانى قورعاۋ؛ جاستار ساياساتى مەن بالالار باستامالارىن قولداۋ؛ دەموگرافيا پروبلەمالارىن شەشۋ؛ گەندەرلىك پروبلەمالاردى شەشۋ جانە ت.ب.

بۇل تۋرالى تولىق اقپارات ق ر ءدىن ىستەرى جانە ازاماتتىق قوعام مينيسترلىگىنىڭ سايتىندا تانىسۋعا بولادى.