اقش مۇسىلماندارى ديسكريماناسياعا تاپ بولدىق دەپ جان ۇشىرۋدا. بۇل تۋرالى PEW Research Center پورتالىنىڭ تۇرعىندار اراسىندا جۇرگىزگەن ساۋالناماسىنان كەيىن انىقتالعان، دەپ جازادى Qamshy.kz اقپارات اگەنتتىگى.

ريا نوۆوستي پورتالىنىڭ مالىمەتىنە سۇيەنسەك، 68% ەر مۇسىلماندار مەن 83% ايەل ءمۇسىلمانداردىڭ ايتۋىنشا، اقش-تا ولاردىڭ ءدىنىن كەمسىتەتىن جاعدايلار ءجيى ورىن الىپ تۇرادى. مۇسىلمانداردىڭ 57%-ى سوڭعى جىلدارى جاعدايدىڭ تىم ۋشىققانىن ايتقان.

64% مۇسىلمان حالقى مەملەكەتتىڭ ۇستانعان باعىتىنا كوڭىلى تولمايدى. 74%-ى دونالد ترامپتىڭ مۇسىلماندارعا قاتىستى نيەتى تەرىس دەپ ويلايدى. سونىمەن قوسا، 90% مۇسىلمان وزدەرىنىڭ امەريكالىق ەكەنىنە قۋاناتىن كورىنەدى.

ساۋالناما 2017 جىلدىڭ 23 قاڭتارىنان 2 مامىرىنا دەيىن وتكىزىلدى. وعان اقش-تا ءومىر سۇرەتىن 1000 مۇسىلمان قاتىسقان.