ءال-فارابي اتىنداعى قازۇۋ-دىڭ ستۋدەنتتەر قۇرىلىس جاساعى (سقج) ەلباسى ن.نازاربايەۆتىڭ «بولاشاققا باعدار رۋحاني جاڭعىرۋ» اتتى ماقالاسىن تالقىلادى. تاريح عىلىمىنىڭ كانديداتى، دوسەنت، قازاقستان تاريح كافەدراسى مەڭگەرۋشىسىنىڭ ورىنباسارى ەدىل نويان ۇلى ماقالاداعى نەگىزگى باسىمدىقتارعا باعدار جاساپ، جاي-جاپسارىن جاستارعا ءتۇسىندىرىپ بەردى، دەپ حابارلايدى Qamshy.kz اقپارات اگەنتتىگى قازۇۋ باسپا ءسوز قىزمەتىنە سىلتەمە جاساپ.

شارا بارىسىندا بۇگىنگى كۇننىڭ باستى قاجەتتىلىگى بولىپ تابىلاتىن ءبىلىم جايى ءسوز بولىپ، رۋحاني جاڭعىرۋدىڭ نەگىزگى جولدارىنىڭ ءبىرى − دۇنيەتانىمدى كەڭەيتۋدىڭ ماڭىزدىلىعى ەسكەرىلدى.

ەدىل نويان ۇلى پراگماتيزمنىڭ وزەكتىلىگىنە توقتالىپ، ەلباسى ماقالاسىنداعى «ناقتى ماقساتقا جەتۋگە، ءبىلىم الۋعا، سالاماتتى ءومىر سالتىن ۇستانۋعا، كاسىبي تۇرعىدان جەتىلۋگە باسىمدىق بەرە وتىرىپ، وسى جولدا ءار نارسەنى ۇتىمدى پايدالانۋ – مىنەز-قۇلىقتىڭ پراگماتيزمى دەگەن وسى»، - دەگەن جولداردى ايرىقشا اتاپ ءوتتى. ماقالاداعى سۇبەلى ويلارعا نەگىز جاساي وتىرىپ ول جيىندى ماردىمدى اڭگىمەگە ۇلاستىردى.

ءوز كەزەگىندە جاساقتاعى ستۋدەنتتەر دە ماقالا جايىندا ويلارىن ورتاعا سالدى. مەحانيكا-ماتەماتيكا فاكۋلتەتىنىڭ 3-كۋرس ستۋدەنتى اسحات اسانبايەۆ «ەلباسى ايتقانداي، تابىستى بولۋدىڭ ەڭ ىرگەلى، باستى فاكتورى ءبىلىم ەكەنىن اركىم تەرەڭ ءتۇسىنۋى كەرەك. جاس­تارى­مىز باسىمدىق بەرەتىن مەجەلەردىڭ قاتار­ىندا ءبىلىم ءاردايىم ءبىرىنشى ورىندا تۇرۋى شارت. وسى ورايدا بالالاردى مەكتەپ قابىرعاسىنان ءبىلىم نارىمەن سۋسىنداتىپ، رۋحاني ءتالىم بەرۋدىڭ ماڭىزى زور دەپ بىلەمىن»، - دەيدى. ونىڭ پىكىرىنشە، بۇل جەمقورلىقتىڭ الدىن الۋدىڭ باستى ءتاسىلى.

جينالعان ستۋدەنتتەر ماقالانىڭ قازاق ەلىن جارقىن بولاشاققا جەتەلەرىنە نىق سەنىمدى. ولاردىڭ ايتۋىنشا، ماقالانى تالقىلاي كەلە ودان ءارى العا ۇمتىلىپ، جىگەرلەنە تۇسكەن. جيىندا كەرەك اقپارات پەن كوپتەن كوكەيىندە جۇرگەن ساۋالدارىنا جاۋاپ الىپ، كەڭىنەن اڭگىمە-دۇكەن قۇرا العاندارىنا قۋانىشتى. تاڭنىڭ اتىسىنان كۇننىڭ باتىسىنا دەيىن ەڭبەك ەتەتىن سقج-لىقتار ءۇشىن ماعىناسى مول رۋحاني كەش بولعانىن ايتادى.