قارين باسقارعان جارتى جىلدا قايتا تۇلەگەن «قازاقستان» رترك

بۇگىن مەملەكەت جانە قوعام قايراتكەرى، ساياساتتانۋشى، عالىم ەرلان ءقاريننىڭ «قازاقستان» رترك باسشىلىعىنا كەلگەنىنە 6 اي بولدى. ادەتتە قىركۇيەك كەلىپ قانا «سەزون جاڭارتىپ» جاتاتىن «قازاقستان» تەلەارناسى بىردەن بوي تۇزەدى. ەرلان تىنىمباي ۇلىنىڭ جاڭا قىزمەتىنە ەل ەلەڭدەپ قاراعان. ەلەڭ ەتەر سەبەبى حالىق «ساپاسىز سەريالداردان شارشاعان»، رۋحاني شولىركەگەن كۇيدە ەدى. قارين كەلگەندە ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتى قانداي ورەگە كوتەرىلگەنىن بىلەمىز. ال، قارين جاڭا جۇمىسىندا «حالىقتىڭ ايناسىن» تۇزەي الدى ما؟ كورەرمەنگە كوڭىلدەن شىعار قىزمەت ەتە الدى ما؟ Qamshy.kz ءتىلشىسى «قازاقستان» كورپوراسياسىنىڭ جارتى جىلدىق جۇمىسىن سارالاپ كوردى.

قارين باسشىلىعىنا كەلگەن «قازاقستان» بىردەن «باستى تاقىرىپ» جانە «باستى اقپاراتپەن» ەرەكشەلەندى. «باستى اقپارات» ساراپتامالىق جوباسى ىسكە قوسىلىپ، ەلىمىزدىڭ جاس ءارى بىلىكتى ساراپشىلارى قوعام الدىنا شىعىپ، وزەكتى ساياسي ماسەلەلەر بويىنشا ءوز پىكىرلەرىن ايتۋدا. جاھاندا ءجۇرىپ جاتقان پروسەستەر كۇن تارتىبىنە شىعىپ جاتقان كەزدە، ولارعا دەرەۋ تالداۋ جاساپ، ساراپشىلىق پىكىرىن تىكەلەي ەفيردە ايتۋى – حالىقتى الەمدەگى كۇردەلى ماسەلەلەر بويىنشا اقپاراتتاندىرۋدىن جاقسى ءتاسىلى بولدى. مەملەكەتتىك ارنا قازاق سايتتارى كوتەرگەن ماسەلەلەرگە دە شولۋ جاسادى. مۇنى ەرلان ءقاريننىڭ كاسىبي ساياساتتانۋشى رەتىندە ۇلتتىق ارناعا الىپ كەلگەن كاسىبي جاڭالىعى، قوسقان ۇلەسى دەۋگە بولادى. ءبىر ايعا جەتپەي ۇلتتىق ارنا جاڭا فورماتقا كوشىرىلدى. بۇل تۋرالى «قاريننىڭ قىرىق كۇندەگى رەفورماسىندا» جازعانبىز. ۇلتتىق ارنانىڭ web سايتى جاڭارىپ، موبيلدىك قوسىمشاسى جەتىلدىرىلگەنى العاشقى ايدىڭ-اق ەنشىسىندە اتقارىلعان شارۋا بولدى. الەۋمەتتىك قوعامنىڭ پروبلەمالارىن ايتاتىن، ساراپتايتىن «ماسەلە» باعدارلاماسى تۇيتكىلدى دۇنيەلەردى تۇيرەپ ايتتى. «جايدارماننىڭ» مازمۇنى وزگەردى، ساياسي ازىلدەر كوبەيدى. جيۋري بولىپ قوعام قايراتكەرلەرى قازىلىق ەتتى. ءمان ماعىناسى جوق ازىلدەر ازايدى، «جايدارمان» ارقىلى جاستار ساياساتى دۇرىس ارناعا بۇرىلىپ كەلەدى. ۇلتتىق ارنا ۇلتتىڭ ارناسى بولۋعا بەت الدى، جان-جاقتىلى جەتىلە باستادى. قازاقستان ارناسىنان «الاشتىڭ اماناتى» دەرەكتى ءفيلمى كورسەتىلدى. ايتا كەتەيىك، ءقاريننىڭ تاپسىرماسىمەن دەرەكتى فيلم جالعاستى ءتۇسىرلىپ جاتىر.

قارين باسشىلىعىنا كەلگەننەن كەيىن ءون بويىنا قان جۇگىرگەن «قازاقستان» رەسپۋبليكالىق تەلەراديوكورپوراسياسى» اكسيونەرلىك قوعامىندا جاڭالىق كوپ. جاڭالىقتىڭ كوپ بولاتىن ءجونى دە بار. ەرلان تىنىمباي ۇلى قايراتكەرلىك جولىندا جۋرناليستيكا بوتەن سالا ەمەس. «دياپازون»، «ۆرەميا پو گرينۆيچۋ» سياقتى گازەتتەر ءقاريننىڭ قالامىمەن قوسا جەتىلگەن. ۇلتتىق قاۋىپسىزدىك پەن مەملەكەتتىك ساياساتتا مول تاجريبەلى باسشىنىڭ ەلدىڭ باستى ارناسىنا بەرگەن ساياسي رەڭى «1 ستۋديا» توك شوۋىنان كورىندى. ال، ارناعا ۇلتتىق رەڭ بەرەتىن «مەن قازاقپىن» حالىقارالىق ونەر دوداسى جاڭا ماۋسىمدا كورەرمەنمەن قاۋىشپاق. اتالعان مەگاجوباعا مينيستر ابايەۆ تا ۇلكەن كوڭىل ءبولىپ وتىر.

ۇلتتىق كورمە وتەر الدىندا ءقاريننىڭ ۇيىقتى بولۋىمەن استانادا «جۇڭگو كينوفەستيۆالى» ءوتتى. «قازاقستان» رترك قىتايدىڭ ورتالىق تەليەۆيزياسى CCTV-مەن جانە حۋنان تۆ كورپوراسياسىمەن كەلىسىم جاسادى. ەلباسى قاتىسقان، الەم نازارىن اۋدارعان EXPO-2017 ۇلتتىق كورمەمىزدىڭ اشىلۋىن ۇلتتىق ارنامىزدان تىكەلەي تاماشالادىق. استانا كۇنىندە ۇلتتىق ارنا تىلشىلەرى ەل ارالاپ، حالىقتىڭ اراسىنان رەپورتاج جاسادى. «قازاقستان بارىسىن» دا حالىق بيىل تىكەلەي ەفيردەن تاماشالاپ، تاقىمىن قىستى.

ەرلان تىنىمباي ۇلى كورپوراسيا باسشىلىعىنا كەلگەن كۇنى  بىلاي دەپ جازعان بولاتىن: «ەلىمىزدەگى ەڭ ءىرى مەديا قۇرىلىمدا قىزمەت اتقارۋ - بىرنەشە ۇرپاقتىڭ تاعدىرىنا جالعاسقان ساباقتاستىقتى كوتەرە ءبىلۋ، ءارى ءيىسى قازاقتىڭ الدىندا جاۋاپكەرشىلىك جۇگىن ارقالاۋمەن تەڭ. ەڭ الدىمەن، وسىنداي جاۋاپتى جۇمىستى سەنىم ارتىپ تاپسىرعان ەلباسىعا العىس ايتقىم كەلەدى. قانداي قىزمەتتە بولسام دا ەلباسىنىڭ قولداۋىن، دەمەۋىن كورىپ كەلەمىن. بۇل جولى دا مەملەكەت باسشىسىنىڭ سەنىمىنەن شىعۋعا تىرىسامىن.

كورپوراسيا قۇرامى وتە ۇلكەن. جالپى سانى 2 مىڭنان استام ادام قىزمەت ەتەدى. «قازاقستان» ۇلتتىق تەلەارناسى، «KAZsport» تەلەارناسى، «بالاپان» تەلەارناسى، قازاق راديوسى، «شالقار» راديوسى، «استانا» راديوسى، «Classic» راديوسى سەكىلدى ءوز اۋديتورياسىن قالىپتاستىرعان، كورەرمەندەرى مەن تىڭدارماندارىنا ساپالى كونتەنت ۇسىنىپ كەلە جاتقان ۇلكەن جوبالار. ودان بولەك ايماقتىق ارنامىز بەن بىرنەشە ينتەرنەت سايت جۇمىس ىستەيدى.

تەلەراديو كەشەنى بۇعان دەيىن دە جۋرناليستيكانىڭ، اعارتۋشىلىقتىڭ، ەل دامۋىنداعى بيىك جەتىستىكتەردى كورەرمەن قاۋىمعا جەتكىزۋدىڭ بىرەگەي قاينارى بولىپ كەلدى. الدىمىزدا ۇجىمنىڭ جۇمىسىن ودان ءارى جەتىلدىرۋ، ءداستۇرىن ساقتاۋ ارقىلى زامانا كوشىنە ىلەسىپ، تالعامپاز كورەرمەندەردىڭ ۇدەسىنەن شىعۋ، بۇگىنگى مەديانىڭ بارلىق تالاپتارىنا جاۋاپ بەرۋ مىندەتى تۇر. ق ر اقپارات جانە كوممۋنيكاسيا ءمينيسترى داۋرەن ابايەۆ مىرزا تەلەراديوكورپوراسيانىڭ الدىندا ناقتى جاڭا باسىمدىقتاردى ايقىندادى. جۇكتەلگەن جاڭا مىندەتتەردى اتقارۋعا بار كۇشىمىزدى سالامىز».

جوعارىدا اتالعان كورپوراسيا قۇرامىنداعى تەلەارنالار مەن راديولاردا دا وڭ وزگەرىستەر كورىنە باستادى. ەرلان تىنىمباي ۇلى ءوزى وبلىستاردى ارالاپ ايماقتىق مەكەمەلەرمەن، ەل اعالارىمەن، زيالىلارمەن كەزدەسۋلەر وتكىزدى. كورپوراسياعا قاراستى بارلىق مەكەمەلەرگە بىلىكتى ماماندار، كاسىبي جاستار كەلە باستادى. بەس جىل بويى رەيتينگ ۇستاپ تۇرعان «كەلىن» سەريالىن قۇرتىپ، ونىڭ ورنىن وتاندىق كونتەنتپەن تولتىرىپ، رەيتينگىن كەرىسىنشە جوعارلاتتى. ءتىپتى، ءقازاقتىلدى تەلەحيكايالار ءتۇسىرىلىمى قولعا الىنا باستادى.  «قازاقستان» ارناسى جاڭالىقتارىنىڭ وپەراتيۆتىلىگى ارتا ءتۇستى. 6 ايدا از شارۋا اتقارىلمادى. جاڭا ماۋسىمدا كورەرمەندى كۇتىپ تۇرعان جاڭا جوبالار جەتەرلىك. جاڭا ستۋديا، جاڭا كەلبەت. ۇلتتىڭ تەليەۆيزياسى — ەلدىڭ ايناسى جاڭارىپ جاتىر. رۋحاني جاڭعىرۋ. باستىسى «قازاقستاننىڭ» قازىرگى كەلبەتىنە قاراپ، قارين وزىنە جۇكتەلگەن مىندەتتەردى اتقارا الدى دەۋگە ابدەن نەگىز بار.

مەملەكەتتىك تەلەارنا باسشىلىعىنا مەملەكەت قايراتكەرى كەلگەن جارىم جىلداعى باستى ماسەلە اقپاراتتىق قاۋىپسىزدىكتىڭ قالقانى قالىپتاستى. «مەملەكەتتىك ساياسات يدەولوگى» ستاتۋسىن بەكىتە تۇسكەن تەلەراديوكورپوراسيا باسشىلىعىنا كەلگەن تۇڭعىش ساياسي قايراتكەر ءقاريننىڭ جارىم جىلداعى جۇمىسىن ءبىر سوزبەن «قازاق تەليەۆيزياسىندا جاڭا بەت-بەينە قالىپتاستىردى» دەۋگە بولادى.