تاجىكستان سىرتقى ىستەر مينيسترلىگى ازاماتتىق سوعىس جىلدارى تەگەرانعا تەراكتىنى قارجىلاندىردى دەگەن ايىپ تاعىلعانى تۋراسىندا تۇسىرىلگەن «يران: ازاماتتىق سوعىس قولداۋى 91-97» دەرەكتى ءفيلمى بىرنەشە تىلگە اۋدارىلىپ، الەۋمەتتىك جەلىدە تارادى دەپ جازادى Qamshy.kz اقپارات اگەنتتىگى.

45 مينۋتقا سوزىلاتىن فيلم 8 تامىزدا كەشكى ۋاقىتتا «توچيكيستون» ارناسىندا كورسەتىلگەن.

17 تامىزدان باستاپ الەۋمەتتىك جەلى قولدانۋشىلارى ءفيلمدى تاجىك، ورىس، اعىلشىن، اراب جانە وزبەك تىلدەرىندە كورە الادى. «يران: ازاماتتىق سوعىس قولداۋى 91-97» ءفيلمى سارسەنبى كۇنى فەيسبۋك، Youtube، ودنوكلاسسنيكي جانە وزگە دە سايتتاردىڭ بەتىنەن كورىنىس تابا باستادى.

تاجىكستان ءىىم ءباساپاسوز حاتشىسى ۋماردجوني ەموماليدىڭ ايتۋىنشا، ولار ءفيلمدى اۋدارماعان جانە كىمنىڭ اۋدارعانى بەلگىسىز. ال بۇدان بۇرىن ءفيلمدى تاجىكستان ءىىم قىزمەتكەرلەرى دايىنداعانى حابارلانعان.

فيلم كوتەرىلىس بارىسىندا قايتىس بولعان تاجىكستان قورعانىس ءمينيسترىنىڭ بۇرىنعى ورىنباسارى گەنەرال ابدۋحاليم نازارزودتىڭ ءۇش جاقتاسىنىڭ سوتتالعانى جايىندا تۇسىرىلگەن. فيلمدە كورسەتىلگەندەي، بۇلىكشىل گەنەرال مەن تەگەراننىڭ قارجىلىق كومەگىنىڭ ارقاسىندا بىرنەشە تاجىك ساياساتكەرلەرى، عالىمدارى، سونداي-اق جۋرناليستەرى 2001 جىلعا دەيىن جالعاسقان ازاماتتىق سوعىستا قايتىس بولعان.

تاجىكستان جيىرما جىل بۇرىنعى ازاماتتىق سوعىس كەزىندە قازا تاپقان ءبىرقاتار تانىمال ادامداردىڭ ولىمىنە يراندى ايىپتادى. تاجىك مەملەكەتتىك تەلەارناسى كورسەتكەن دەرەكتى فيلمدە 1990 جىلدارداعى رەسمي تۇلعالاردىڭ ولىمىنە "يران تاپسىرىس بەرگەن" دەگەن پىكىر ايتىلۋىنا تەگەران نارازىلىعىن بىلدىرگەن.