تۋريستەر سيرەك ساپارلايتىن مەملەكەتتەردىڭ الدىڭعى قاتارىندا پولينەزيادا ورنالاسقان تۋۆالۋ ەلى تۇر دەپ جازادى Qamshy.kz اقپارات اگەنتتىگى. بۇل تۋرالى Daily Mail پورتالى حابارلايدى.

دۇنيەجۇزىلىك تۋريستىك ۇيىمىنىڭ مالىمەتتەرىنە سۇيەنسەك، تۋۆالۋ 2016 جىلى نەبارى 2000-عا جۋىق تۋريست قابىلداعان. ەكىنشى ورىندا تىنىق مۇحيتى جاعالاۋىندا ورنالاسقان كاريباتي رەسپۋبليكاسى اتالدى. وتكەن جىلى بۇل مەملەكەتكە 4000 تۋريست كەلگەن.

تۋريستەر ءۇشىن تانىلماعان كەلەسى مەملەكەتتەر – سان-تومە مەن پرينسيپي. ورتالىق افريكادا ورنالاسقان ارالدىق مەملەكەتكە وتكەن جىلى سەگىز مىڭ قوناق بارعان. ءتورتىنشى ورىندا مونتەسسارت پەن بەسىنشى ورىنداردا افريكالىق كومورا مەملەكەتتەرى شىقتى.

سونداي-اق، وندىققا افريكاداعى دجيبۋتي، سان-مارينو، ازياداعى شىعىس تيمور، افريكاداعى ليحەنشتەين مەن سەررا-لەونە ەلدەرى كىردى.

ايتا كەتەيىك، بىرنەشە اي بۇرىن الەمدەگى تۋريزم سالاسى دامىعان مەملەكەتتەردىڭ رەيتينگى انىقتالعان.

زەرتتەۋ ناتيجەلەرىنە سايكەس، 2017 جىل بويىنشا تۋريستىك سالاسى جاقسى دامىعان ەل – يسپانيا دەپ تانىلدى. ودان كەيىنگى ورىندارعا فرانسيا مەن گەرمانيا جايعاستى. سونىمەن قاتار، توپ-10 ەلدىڭ قاتارىنا جاپونيا، ۇلىبريتانيا، اقش، اۋستراليا، يتاليا، كانادا جانە شۆەيساريا ەندى.

رەسەي بۇل تىزىمدە 43-ورىنعا، ال قازاقستان 81-ورىنعا جايعاستى.

سونىمەن قاتار، الەمنىڭ اسەم تابيعاتقا يە 136 ەلى بويىنشا رەيتينگ جاسالدى. رەيتينگ جاساۋ بارىسىندا ەلدەردە مەكەندەيتىن جانۋارلاردىڭ، وسىمدىكتەردىڭ، تابيعي قورىق ايماقتارىنىڭ، ەكولوگيالىق وڭىرلەرىنىڭ جانە يۋنەسكو-نىڭ دۇنيەجۇزىلىك مۇراسى وبەكتىلەرىنىڭ سانى ەسكەرىلگەن.

بۇل كورسەتكىش بويىنشا برازيليا كوش باستاپ تۇر. ودان كەيىنگى ورىندار مەكسيكا مەن كوستا-ريكاعا تيەسىلى. توپ-10 ەلدەردىڭ قاتارىنان پەرۋ، جۇڭگو، اۋستراليا، تايلاند، تانزانيا، يسپانيا جانە اقش-تى كورۋگە بولادى.

كورشىلەس ەلدەردەن رەسەي 39-شى، تاجىكستان 80ء-شى، ۋكراينا 115ء-شى ورىنداردى يەلەنەدى.

ال قازاقستان بۇل تىزىمدە 92ء-شى ورىنعا تۇراقتادى.