رەسەيدە شەشەنستان پارلامەنتىنىڭ دەپۋتاتى مۋحماد اسحابوۆتى اتىپ كەتكەندەگى ءسات ۆيدەوعا ءتۇسىپ قالعان، دەپ جازادى Qamshy.kz اقپارات اگەنتتىگى. مۋحماد اسحابوۆتىڭ كولىگىنە ۆيدەوتىركەۋىش ورناتىلعان.

كادرلارعا سۇيەنسەك، دەپۋتات مىنگەن كولىككە قارا ءتۇستى كولىك جاقىنداپ كەلىپ، ىشىنەن بەلگىسىز بىرەۋلەر وق جاۋدىرا باستاعان. جۇرگىزۋشى ءرول تىزگىنىنە يە بولا الماي، كولىك جول اپاتىنا ۇشىراعان. تەرگەۋ مالىمەتىنشە، دەپۋتاتتىڭ ولىمىنە جول اپاتى سەبەپ بولعان. الايدا ۆيدەونىڭ شىنايى ەكەنى ءالى انىقتالمادى.

بۇدان بۇرىن تەرگەۋ مالىمەتىنە سايكەس، جۇما كۇنى تاڭدا دەپۋتاتتىڭ جۇمىسىنا ءوز كولىگىمەن اتتانعان. اچحوي-مارتانوۆسك اۋدانىندا كولىككە شابۋىل جاسالىپ، سالدارىنان دەپۋتات قازا تاپقان.

اسحابوۆتىڭ ولىمىنە بايلانىستى قىلمىستىق كودەكستىڭ 105-بابى 2ء-بولىمىنىڭ «ب» پۋنكتى (كىسى ءولتىرۋ) جانە قك 222-بابىنىڭ 1 ءبولىمى (قارۋدى زاڭسىز ساۋدالاۋ)  بويىنشا تەرگەۋ جۇمىستارى باستالدى.

ايتا كەتەيىك، اسحابوۆ اگروونەركاسىپ كەشەنى، جەر قاتىناستارى، ەكولوگيا جانە تابيعي رەسۋرستار كوميتەتىنىڭ ءتوراعاسى، كوممۋنيستىك پارتيانىڭ مۇشەسى بولدى.