تۇرمىسقا شىقپاعان ، اقىلىنا كوركى ساي، وتە سۇلۋ قىز مەدرەسەدە ءبىلىم بەرەدى. ءبىر كۇنى ارىپتەستەرى ودان نە ءۇشىن وسىنداي سۇلۋ، تاربيەلى بولا تۇرا تۇرمىس قۇرماي جۇرگەنىن سۇرايدى. 
جاۋاپ رەتىندە ۇستاز قىز مىنا وقيعانى باياندايدى. -باياعىدا ءبىر ايەلدىڭ بەس قىزى بولعان ەكەن، التىنشىسىنا اياعى اۋىر كەزدە جولداسى، ەگەر تاعى قىز تۋساڭ كوزىن قۇرتامىن دەگەن ەكەن. ۋاقىتى كەلىپ ايەل تاعى قىز بوسانادى. كۇيەۋى قىزدى الىپ تاڭ نامازىندا مەشىتتىڭ ەسىك الدىنا قويادى. ءتۇن باتا ، قۇپتان نامازدان سوڭ قاراسا قىزدى ەشكىم الماعان سوڭ قايتادان ۇيىنە اكەلەدى. ءدال وسىلاي ءبىر اپتا جالعاسادى، ناتيجە بولماعان سوڭ قىزدى وزدەرىندە قالدىرادى. اناسى قاتتى قۋانادى، ءبىر جىل وتكەن سوڭ اناسىنىڭ اياعى اۋىرلاپ، بۇل جولى ۇل بوسانادى. ۇل بوسانعان كەزدە، ۇلكەن قىزى قايتىس بولادى. وسىلاي ءجۇرىپ تاعى ءتورت رەت كوتەرىپ ۇلدى بولادى. ءار ۇلى تۋىلعان سايىن ءبىر قىزى قايتىپ وتىرادى. تەك التىنشى قىز عانا ءتىرى قالادى. -ال سىزدەر بىلەسىزدەر مە سول التىنشى قىزدىڭ كىم ەكەنىن دەپ سۇرايدى ۇستاز! -ول مەن. مەنىڭ تۇرمىسقا شىقپاي جۇرگەن سەبەبىم، كۇندە اكەمە قاراپ قامقور بولىپ ءجۇرمىن. ال مەنىڭ باۋىرلارىم، ءبىر ايدا ءبىر كەلىپ، كەيبىرەۋلەرى ەكى ءۇش ايدا ءبىر كەلىپ تۇرادى. ال اكەم كۇندە وكىنىشتەن جىلاپ وتىرادى ماعان ىستەگەن ءىسى ءۇشىن دەيدى...