قازىرگى قولدانىستاعى 42 ارىپتەن تۇراتىن ءالىپبي – جاساندى ءالىپبي، دەيدى شاياحمەتوۆ اتىنداعى تىلدەردى دامىتۋ جونىندەگى رەسپۋبليكالىق ۇيلەستىرۋ-ادىستەلەملىك ورتالىعىنىڭ ديرەكتورى ەربول تىلەشوۆ، دەپ جازادى Qamshy.kz اقپارات اگەنتتىگى.
«بۇگنىگى قولدانىستاعى قازاق ءتىلىنىڭ الىپبيىندە 42 ءارىپ بار. ءبىز بەلگىلەر مەن ارىپتەردى ەمەس، دىبىستاردى ساناۋىمىز كەرەك. قازاقشا دىبىستار بار ما؟ 42 ءارىپ – ول جاساندى ءالىپبي. قازاق تىلىندە ونداي دىبىستار جوق. ماسەلەن، اعىلشىن ءتىلىنىڭ الىپبيىندە 26 ءارىپ، 44 دىبىس بار. ولار 44 دىبىستى 26 بەلگىنىڭ كومەگىمەن قولدانادى. ال بىزدە كەرىسىنشە، 28 دىبىس، 42 ءارىپ بار. بۇل دۇرىس ەمەس»، – دەدى ەربول تىلەشوۆ ورتالىق كوممۋنيكاسيالار قىزمەتىنىڭ باسپا ءسوز ءماسليحاتىندا.
تىلەشوۆتىڭ ايتۋىنشا، يا جانە يۋ سىندى ارىپتەر قازاق تىلىندە دە، ورىس تىلىندە دە جوق. «ورىس تىلىندە يا – يا، يۋ – يۋ دەگەندى بىلدىرەدى. ونداي ارىپتەردىڭ قانداي قاجەتتىلىگى بار؟ قازاق تىلىندە، سونداي-اق جىڭىشكەلىك بەلگىسى مەن ايىرۋ بەلگىسىن دە ۇستاۋدىڭ قاجەتتىلىگى جوق. بىزدە سينگورمانيزم جىڭىشكەلىك بەلگىسىمەن ەمەس، بۋىنمەن انىقتالادى»، - دەپ ءتۇسىندىردى تىلەشوۆ.
سول سەبەپتى، قازاق ءتىلىنىڭ ءتۇپنۇسقالىق دىبىس جۇيەسىنە نەگىزدەلىپ، لاتىن الىپبيىندەگى قازاق ءتىلىنىڭ جاڭا نۇسقاسىندا 26 ءارىپ انىقتالعانىن ايتتى. سونداي-اق، ەڭ الدىمەن قازاق ءتىلىنىڭ دىبىستىق جۇيەسىنىڭ قاماتاماسىز ەتىلۋى كەرەك ەكەنىن ەسكەرتتى.
بۇدان بولەك، تىلەشوۆ اعىلشىن تىلىمەن سالىستىرعاندارعا دا جاۋاپ بەردى.
«لاتىن ءالىپبيى – اعىلشىن ءالىپبيى ەمەس. اعىلشىن ءتىلى لاتىن ءالىپبيى نەگىزىندە جاسالعان، قازاق ءتىلى دە سولاي بولماق. ءتىلدى الىپبيمەن شاتاستىرۋدىڭ قاجەتى جوق. فرانسۋز ءتىلى دە لاتىن ءالىپبيىنىڭ نەگىششىندە جاسالعان. سونى ەسكەرەيىك»، - دەدى شاياحمەتوۆ اتىنداعى تىلدەردى دامىتۋ جونىندەگى رەسپۋبليكالىق ۇيلەستىرۋ-ادىستەلەملىك ورتالىعىنىڭ ديرەكتورى.
