بالعىن قايىربەك دەگەن ەسىم «قامشى» وقىرماندارىنا جاقسى تانىس. قىتايدىڭ شىڭجاڭ ولكەسىندەگى ۇزدىك وتىز جاس ءانشىنىڭ قاتارىنا كىرگەن، 2010 جىلى پەكيندەگى ءان بايقاۋىندا التىن مەدالمەن ماراپاتتالعان، تالانتتى ءانشى «قامشى» ۇيىمداستىرعان «قازاق داۋىسى» بايقاۋىنىڭ قاتىسۋشىسى.

«Qamshy.kz» ءتىلشىسى الەۋمەتتىك جەلىدە «ويعىرىم» دەگەن اتپەن تارالىپ كەتكەن ءاننىڭ بالعىن قايىربەكتىڭ «مەكەنىم» ءانىنىڭ اۋەنىنەن ۇرلانعانىن بايقادى. مونعولياداعى بەلگىسىز ءبىر ءانشى «ويعىرىم» دەپ ايتىپ جۇرگەن ءان جاس ءانشى بالعىن قايىربەكتىڭ ىلە، تارباعاتاي، التاي ايماقتارىنا ارنالعان ءانىنىڭ ءدال كوشىرمەسى. بالعىن قايىربەك – قىتايداعى ەتنيكالىق قازاقتار اراسىندا عانا ەمەس الىس-جاقىن شەتەلدەرگە تانىمال جاس جۇلدىز. جومارتتىعىمەن اتى شىققان شولاق ۇلى باسپاي باي وتكەن وڭىردە تۋعان جىگىت تۋعان جەرگە ءجيى ءان ارنايدى. «مەكەنىم» ءانشىنىڭ سونداي اندەرىنىڭ ءبىرى. 

«ويعىرىم» دەپ اتالعان ءاننىڭ ورىنداۋشىسىنا «Qamshy.kz» ءتىلشىسى ەرلان تولەۋباي ىزدەۋ سالادى.