«رۋحاني جاڭعىرۋ» باعدارلاماسى اياسىندا جۇزەگە اسىرىلىپ جاتىرعان شارالار ناتيجەلەرىن بەرۋدە. باعدارلاما اياسىندا قازاق رۋحانياتى مەن مادەنيەتىنىڭ ودان ءارى قارىشتاپ دامۋىنا ۇلەس قوساتىن، تىڭ جوبالار مەن ءىرى شارالار ۇيىمداستىرىلۋدا.

سونىڭ ءبىرى 2017 جىلدىڭ 14 قىركۇيەگىندە ورال قالاسىندا وتپەك. باتىس قازاقستان وبلىستىق «ورال ءوڭىرى» جانە «پريۋرالە» گازەتتەرىنىڭ                               100 جىلدىعىنا ارنالعان مەرەيتويلىق شارالار وبلىس باسشىلىعى،                           ق ر اقپارات جانە كوممۋنيكاسيالار مينيسترلىگىنىڭ  وكىلى، رەسپۋبليكالىق جانە وبلىستىق باسپا باسىلىمدارىنىڭ باس رەداكتورلارىنىڭ قاتىسۋىمەن ۇيىمداستىرىلادى.

الدىمەن ەلىمىزدىڭ قالالارى مەن وڭىرلەرىنەن باسپا ءسوز سالاسىن زەرتتەۋگە سۇبەلى ۇلەسىن قوسىپ جۇرگەن عالىمداردىڭ قاتىسۋىمەن دوڭگەلەك ۇستەل وتىرىسى وتەدى دەپ جوسپارلانۋدا.

باسقوسۋ بارىسىندا باسپا ءسوز تاريحىن زەرتتەۋ ماسەلەلەرى تالقىلانىپ، ارنايى اشىلعان «1911kz» سايتىنىڭ تانىستىرىلىمى، سونىمەن قاتار، گازەتتەردىڭ العاشقى جىلدارى لاتىن قارىپىمەن باسىلعان جيناعىنىڭ كورمەسى وتەدى.

تۇستەن كەيىن باتىس قازاقستان وبلىستىق قازاق دراما تەاترىندا وبلىستىق گازەتتەردىڭ 100 جىلدىعىنا ارنالعان سالتاناتتى شارا بولادى. 
شارا بارىسىندا قازاقتىڭ كورنەكتى اقىنى قايرات جۇماعالييەۆتىڭ 80 جانە وبلىستىق گازەتتەردىڭ 100 جىلدىعىنا ارنالعان «نارىن قۇمىن اڭساعان قايرات اقىن» اتتى رەسپۋبليكالىق جىر ءمۇشايراسىنىڭ، گازەتتەردىڭ عاسىرلىق مەرەيتويىنا وراي ماگيسترانتتار مەن ستۋدەنتتەر اراسىندا جاريالانعان كۋرستىق جۇمىستار بايقاۋىنىڭ قورىتىندىلارى شىعارىلىپ، جۇلدەگەرلەر ماراپاتتالدى.  

انىقتاما ءۇشىن: 

وبلىستىق گازەت 1918-1919 جىلدارى «حابار-يزۆەستيا»، 1919 جىلى «دۇرىستىق جولى»، 1920 جىلى «ساحارا تاڭى»، 1920-1930 جىلدارى «قىزىل تۋ»، 1931-1957 جىلدارى «ەكپىندى قۇرىلىس»، 1958-1964 جىلدارى «وكتيابر تۋى»، ال 1964 جىلدان «ورال ءوڭىرى» دەگەن اتپەن باسىلىپ كەلەدى. 
«جايىق پرەسس» ج ش س وبلىستىق گازەتتەردىڭ وسى ءبىر عاسىرلىق شەجىرەسىن جيناقتاپ، زەرتتەۋدى ماقسات ەتكەن بولاتىن. «قازاقستان» مەن «ۇران» ءوز الدىنا، «حابار-يزۆەستيا»، «كيرگيزسكايا پراۆدا» - «قازاق دۇرىستىعى»، «دۇرىستىق جولى»، «ۇشقىن» (رەسپۋبليكالىق «ەگەمەن قازاقستان» گازەتىنىڭ باستاۋى) گازەتتەرى دە جيناقتالىپ، كىتاپ بولىپ جارىققا شىقتى. 
سونداي-اق ەل تاۋەلسىزدىگىنىڭ 25 جىلدىعىنا وراي 1991 جىلعى 16 جەلتوقساننان باستاپ 2016 جىلعا دەيىنگى، ياعني شيرەك عاسىردى قامتيتىن ءوڭىردىڭ حرونولوگيالىق شەجىرەسى دە جاسالىپ، ەكى تىلدە باسىلىپ شىقتى. 
سوڭعى بەس جىل ىشىندە وبلىستاعى باسپا ءسوز تاريحىنا بايلانىستى ون كىتاپ جارىق كورگەن ەكەن، بۇل از تابىس ەمەس. بيىل «قىزىل تۋ» گازەتىندەگى تاڭداۋلى ماقالالار ىرىكتەلىپ، جەكە كىتاپ رەتىندە دايىندالدى. 
وعان قوسا ءار جەردە جاتقان گازەتتەردىڭ 100 جىلدىق تىگىندىلەرى جيناقتالىپ، ەلەكتروندى نۇسقالارى جاسالدى. قازىرگى كەزدە ارنايى بولمە جاساقتالىپ، ءجۇز جىلدىق تىگىندى قويىلدى. سونىڭ ىشىندە لاتىن قارپىمەن شىققان گازەت تىگىندىلەرى دە بار. ەلەكتروندى نۇسقالاردىڭ جاسالۋى قازاقستان پرەزيدەنتىنىڭ «سيفرلى قازاقستان» جوباسىمەن تولىق ۇندەسەدى.