اسسالاۋ ماعالەيكۇم، الاش جۇرتى! ارداقتى سپورت سۇيەر جانكۇيەر قاۋىم!
اقىرزامان تاياعاندا بىزدە اشتىق، مىنەكەي، ءوز سايتىمىزدى. ءازىل عوي ارينە. سپورت پورتالىن اشۋ- بۇرىننان بەرى مازا بەرمەي كەلگەن ارمانىم ەدى. شىققان تەگىم «الامان». العاش سپورت تاقىرىبىنا قالام تارتۋىما سەبەپشى بولعان رۋسلان مەدەلبەك. ال ەندى سىزدەردى سپورتجۋرناليستيكا ايدىنىنداعى جاڭا پورتالمەن تانىستىرسام. اتاۋى ايتىپ تۇرعانداي سايتتىڭ نەگىزگى تىرەگى – ساراپتامالىق ماقالالار بولماق. «Sportsarap» اتاۋىنىڭ اۆتورى ارداقتى اعامىز، جۋرناليستيكا سالاسىندا ورنى ەرەك سەرىك سارىبايەۆ. ال رۋحاني قولداۋ كورسەتكەن ماقسات سلامبەك.
«باسقا سايتتاردان نە ايىرماشىلىق بولادى؟» دەيسىز عوي. بىرىنشىدەن – جازۋ ءستيلى. «ءسۇيتتى، ءبۇيتتى، ورىن الدى» دەگەندى وزگە سايتتاردان دا وقىپ جۇرسىزدەر. ءبىز جاۋىرىندى بولعان ، جاتتاندى سوزدەردەن قاشىپ ، جاڭالىقتى ەرەكشە ەتىپ بەرۋگە تىرىسامىز. پورتالدا ءتۇرلى ايدارلار بار. تەتىكتى «تىق» ەتىپ باسقان ايدارىڭىزدىڭ اتاۋى «رەداكتور باعانى». مۇندا، مەن، وقىرماندارمەن وي ءبولىسىپ، ءار اپتا سايىن قازاق سپورتىنداعى ماسەلەلەر جايىندا جازامىن. «سپورت قىزىقتارى»، «فوتوبايان» سىندى ايدارلار دا كوڭىلىڭىزدەن شىعار دەگەن ويدامىز.
سايتقا جان ءبىتىرىپ، جاۋقازىنداي جارقىراتقان جىگىتتىڭ ءاتى-جونى مەيىرجان اۋەلحان ۇلى. بولاشاقتا سايتتىڭ اۆتورلىق ۆيدەو سيۋجەتتەرى جارىققا شىعادى. «ءتۇرلى قىزىقتار» دەگەن اتپەن جاريالاناتىن «پريكولداردى» كورىپ ەزۋلەرىڭىزدى تارتتىرماقپىز. ال ىسكە ءسات! سىزگە دە بىزگە دە! ايتار ۇسىنىستارىڭىز ياكي سىنىڭىز بولسا ىقىلاسپەن قابىلدايمىز. اۆتور مەن وقىرماننىڭ ديولوگى ماتەريالدىڭ ساپاسىنا جاقسى اسەر ەتەدى. سوندىقتان تارتىنباڭىزدار، سىزدەردى ارىپتەستىككە شاقىرامىن.
ىزگى تىلەكپەن، ولجاس نۇرازحان
پىكىر قالدىرۋ