قاراعاندى قالاسىندا 2017 جىلدىڭ 25 قىركۇيەگىندە ق ر ءدىن ىستەرى جانە ازاماتتىق قوعام مينيسترلىگىمەن ۇيىمداستىرىلعان «قوعامدىق كەڭەستەر: قىزمەتىنىڭ ماسەلەلەرى مەن كەلەشەگى» تاقىرىبىندا رەسپۋبليكالىق كونفەرەنسيا ءوتتى.  ءىس-شارانىڭ نەگىزگى ماقساتى قوعامدىق كەڭەستەر قىزمەتىنىڭ ۇزدىك تاجىريبەلەرىن كورسەتۋ مەن تاجىريبە الماسۋ، سونىمەن قوسا قوعامدىق كەڭەستەر تۋرالى زاڭناما مەن ولاردىڭ قىزمەتىن جەتىلدىرۋ بويىنشا ناقتى ۇسىنىستار جاساۋ بولىپ تابىلادى.

كونفەرەنسيا جۇمىسىنا رەسپۋبليكالىق جانە ايماقتىق قوعامدىق كەڭەستەردىڭ مۇشەلەرى، ساراپتامالىق قاۋىمداستىقتىڭ، ۇەۇ جانە ت.ب. مۇشەلەرى قاتىستى.

نەگىزگى سپيكەرلەر رەتىندە قازاقستان رەسپۋبليكاسى ءدىن ىستەرى جانە ازاماتتىق قوعام ۆيسە-مينيسترى ابزال نۇكەنوۆ، ق ر پارلامەنتى ءماجىلىسىنىڭ دەپۋتاتى سەرىك سەيدۋمانوۆ، ق ر ءدىن ىستەرى جانە ازاماتتىق قوعام مينيسترلىگىنىڭ قوعامدىق كەڭەسىنىڭ مۇشەسى ايگۇل سولوۆيەۆا، ساياساتتانۋشى ەرلان سايروۆ، «قازاقستانداعى پارلامەنتاريزمدى دامىتۋ قورى» قق ءتورايىمى زاۋرەش باتتالوۆا، نازاربايەۆ ۋنيۆەرسيتەتىنىڭ مەملەكەتتىك ساياسات جوعارى مەكتەبىنىڭ پروفەسسورى كولين نوكس جانە ت.ب. ءسوز سويلەدى.

ق ر ءدىن ىستەرى جانە ازاماتتىق قوعام ۆيسە-مينيسترى ا.نۇكەنوۆ قوعامدىق كەڭەستەر جەرگىلىكتى جەردىڭ جانە سالانىڭ وزەكتى ماسەلەلەرىن شەشۋ بويىنشا ءتيىمدى مەحانيزم ەكەندىگىن اتاپ ءوتتى. قوعامدىق كەڭەستەر تۇرعىندارعا وزەكتى ماسەلەلەردى كوتەرۋگە، قوعامدىق تىڭدالىمدار، مەملەكەتتىك ورگاندارمەن قابىلدانعان شەشىمدەرگە قوعامدىق مونيتورينگ پەن ساراپتاما جۇرگىزۋگە مۇمكىندىك بەرەتىن، قوعامدىق باقىلاۋدىڭ سايكەس قۇرالدارىمەن زاڭنامالىق قامتاماسىز ەتىلگەن.

ۆيسە-مينيستر قوعامدىق كەڭەستەردىڭ قىزمەتىنە ۇەۇ، ساياسي پارتيالاردىڭ باسشىلارىن، قوعامدىق پىكىر كوشباسشىلارىن بەلسەندى تارتۋدىڭ قاجەتتىلىگىن اتاپ ءوتىپ، مەملەكەتتىك ورگاندارعا تۇرعىنداردىڭ الەۋمەتتىك ماڭىزى بار ماسەلەلەرىن شەشۋدە قوعامدىق كەڭەستەردىڭ ءال-اۋقاتىن قولدانۋدى ۇسىندى.

ساياساتتانۋشى ەرلان سايروۆ ءوز سوزىندە: «سانانى جاڭعىرتۋدىڭ ماقساتتارىنا قول جەتكىزۋ ءۇشىن بىزگە ازاماتتىق قوعاممەن جۇمىستى قايتا قالىپتاستىرۋ كەرەك. جەرگىلىكتى جەرلەردە قوعامدىق كەڭەستەر – بۇل بىرەگەي مۇمكىندىك، ايماقتىڭ الەۋمەتتىك دامۋ ماسەلەلەرىنە جاۋاپتىراق قارايتىن وڭىرلىك ەليتانى قۇرۋ مەن تاربيەلەۋ مەحانيزمدەرى دەپ ايتۋعا بولادى»، - دەپ اتاپ ءوتتى.

ق ر ءدىن ىستەرى جانە ازاماتتىق قوعام مينيسترلىگى قوعامدىق كەڭەسىنىڭ مۇشەسى ايگۇل سولوۆيەۆا ءوز كەزەگىندە ازاماتتىق قوعام دامۋىنىڭ زاماناۋي ۇدەرىستەرى، قوعامدىق كەڭەستەردىڭ قۇرىلۋىنىڭ كەزەڭدەرى مەن ولاردىڭ قىزمەتى تۋرالى باياندادى. سونىمەن قوسا، «قوعامدىق كەڭەستەردىڭ نەگىزگى ماقساتى رەسپۋبليكالىق جانە جەرگىلىكتى دەڭگەيلەردە شەشىمدەر قابىلداۋ كەزىندە قوعامنىڭ مۇددەلەرىن قورعاۋ بولىپ تابىلاتىندىعىن» ايتتى.

«الەۋمەتتىك جاڭعىرۋدىڭ نەگىزگى ەلەمەنتى تەحنولوگيالىق ويلاۋدىڭ دەڭگەيىنە ساپالى تۇردە كوشۋ، زاماننىڭ تالابىنا سايكەس الەۋمەتتىك جانە رۋحاني ۇيىمداستىرۋدىڭ ەڭ وزىق ادىستەرىن ۇيرەنۋ بولىپ تابىلادى. دەگەنمەن، قوعامدىق كەڭەستەردىڭ جۇمىسىندا زاڭنامالىق قامتاماسىز ەتۋدى قاجەت ەتەتىن ماسەلەلەر بار. «قوعامدىق كەڭەستەر تۋرالى» زاڭعا وزگەرىستەر ەنگىزۋ كەرەك»،- دەپ پارلامەنتاريزمدى دامىتۋ قورىنىڭ ءتورايىمى زاۋرەش باتتالوۆا اتاپ كورسەتتى.

كونفەرەنسيا شەڭبەرىندە ەسەپتىك مەملەكەتتى قالىپتاستىرۋدا قوعامدىق كەڭەستەردىڭ ءال-اۋقاتىن دامىتۋ ماسەلەلەرى بويىنشا سەمينار، ترەنينگ، پانەلدىك ديسكۋسسيا تۇرىندەگى ديالوگتىق الاڭدار وتكىزىلدى.

جالپى، ءىس-شاراعا قاتىسۋشىلار قوعامدىق كەڭەستەر قىزمەتىنىڭ تاجىريبەسى، بۇگىنگى كۇننىڭ وزىندە، ءتۇرلى ماسەلەلەر بويىنشا ازاماتتىق قوعام پىكىرىن ايتۋ ءۇشىن بىرەگەي ديالوگتىق الاڭ جانە جۇمىس ىستەيتىن قوعامدىق ينستيتۋت قۇرىلعاندىعى تۋرالى قورىتىندى جاساۋعا مۇمكىندىك بەرەدى.

كەزدەسۋدىڭ ناتيجەسىندە كونفەرەنسيانىڭ قاتىسۋشىلار قاتارىنان قوعامدىق كەڭەستەردىڭ قىزمەتىن جەتىلدىرۋ بويىنشا ارنايى جۇمىس توبى قۇرىلدى. اتالعان جۇمىس توبىنىڭ اياسىندا ازىرلەنگەن ۇسىنىمدار ءۇ.ج. قاراشا ايىندا وتەتىن رەسپۋبليكالىق قوعامدىق كەڭەستەر ءماجىلىسى بارىسىندا ۇسىنىلاتىن بولادى.