تاجىكستاندا بۇرىنعى ۆيسە-پريمەر دجاموليددين مانسۋروۆ قالا يمامى راحمون سافافرالييەۆتى ءولتىردى دەگەن ايىپپەن قامالدى، دەپ جازادى Qamshy.kz اقپارات اگەنتتىگى «تادجيكتا» اگەنتتىگىنىڭ مالىمەتىنە سۇيەنىپ.

گيسسار قالاسىنىڭ مەشىتىندە يمام بولعان راحمون سافافرالييەۆتىڭ  ۇلى قىلمىستىڭ 1992 جىلى ازامات سوعىسى ۋاقىتىندا بولعانىن مالىمدەدى.

بىرنەشە كۇن بۇرىن پروكۋراتۋرا قىزمەتكەرلەرى مەن گيسسار ميليسيالارى يمامنىڭ سۇيەك قالدىقتارىنا ەكسگۋماسيا وتكىزدى. قازىرگى ۋاقىتتا سۇيەككە ساراپتاما جاسالۋدا.

قۇقىق قورعاۋ ورگاندارى بۇرىنعى ۆيسە-پريمەردى ۇستاپ، تەرگەۋگە الدى.

قازا بولعان يمامنىڭ ۇلى 1990 جىلدارى اكەسىنىڭ جەرگىلىكتى مەشىتتە قىزمەت اتقارعانىن ايتتى. 1992 جىلدىڭ جەلتوقسانىندا يمامدى گيسسار اۋدانىنىڭ حالىقارالىق فرونت شتابىنا شاقىرتىپ، سول جەردە اتىپ ولتىرگەن.

«دەنەنى 60 رۋبل تولەسەك قانا الىپ كەتۋگە رۇقسات ەتتى»، - دەدى يمامنىڭ ۇلى.

ەكس-اكىم مانسۋروۆتىڭ ءوزى 1951 جىلى گيسسار اۋدانىنداعى قىپشاق قىستاۋىندا دۇنيەگە كەلدى. 1973 جىلى تاجىك مەملەكەتتىك ۋنيۆەرسيتەتىن ءتامامدادى.

بىرنەشە لاۋازىمدى قىزمەت اتقارعان دجاموليددين مانسۋروۆ 2005 جىلى زەينەتكە شىققان.